QMEBI (Qazaqstan menedjment, ekonomika jäne boljau institutı) Qwqıq mektebiniñ 2-4 kurs studentteri üşin Almatı qalasınıñ İİD Mwrajayında ekskursiya ötti. Onda tärbie jwmısı böliminiñ bastığı policiya podpolkovnigi Al'bina Mahambetova jastarğa Täuelsizdik jıldarındağı Almatı policiyasınıñ negizgi jetistikteri turalı äñgimelep berdi. 

«Atalmış şaranıñ maqsatı – qoğamda Qazaqstan policiyasınıñ imidjin arttıru, jastardı patriottıq jäne adamgerşilik-estetikalıq twrğıda tärbieleu. Biz qalamızda miliciyanıñ şığu tarihı turalı, bölimşelerdiñ jwmıs principteri, işki ister organdarı batırlarınıñ erlikteri turalı aytamız. Jas wrpaq işki ister organdarınıñ tarihı da tolıq enetin öz qalasınıñ tarihın bilip, este saqtauğa tiisti. Osılayşa biz studentterdi policey mamandığına qızıqtırmaqpız. Odan äri biz äl-Farabi atındağı QazWU-niñ jäne basqa da joğarğı oqu orındarınıñ studenteri üşin de ekskursiya ötkizudi josparlap otırmız»,- dedi podpolkovnik Mahambetova.

Sonday-aq kezdesuge işki ister organdarınıñ qwrmetti ardageri, policiyanıñ otstavkadağı polkovnigi Tahmazov Fizuli Qwrbanwlı şaqırıldı. Ol studenttermen «Täuelsizdik jıldarındağı işki ister organdarınıñ qalıptasuı» degen taqırıpta däris ötkizdi.

«Studentterdiñ twtas tarihqa degen qızığuşılığın biludiñ özi quanıştı. Twtas vedomstvonıñ qatısuına tikeley atsalısqandar turalı biludiñ özi mañızdı. Biz tek osılay ğana studentterdiñ policiya jwmısına degen qızığuşılığın oyatıp, jastar ortasınıñ işki ister organdarın dwrıs tüsinuine septese alamız. Mwnday kezdesulerdi jii ötkizu kerek dep esepteymin. Öytkeni biz siyaqtı ardagerlerdiñ jastarmen kezdesip, bilgenderin ortağa saluğa degen ıntası zor»,- dep ayaqtadı öz sözin otstavkadağı policiya polkovnigi Tahmazov.

Studenttermen däris jäne äñgime ayaqtalğan soñ «Miliciyadan policiyağa köşu» derekti fil'mi körsetildi.

«The Qazaq Times»