قمەبي (قازاقستان مەنەدجمەنت، ەكونوميكا جانە بولجاۋ ينستيتۋتى) قۇقىق مەكتەبىنىڭ 2-4 كۋرس ستۋدەنتتەرى ءۇشىن الماتى قالاسىنىڭ ءىىد مۇراجايىندا ەكسكۋرسيا ءوتتى. وندا تاربيە جۇمىسى ءبولىمىنىڭ باستىعى پوليتسيا پودپولكوۆنيگى البينا ماحامبەتوۆا جاستارعا تاۋەلسىزدىك جىلدارىنداعى الماتى پوليتسياسىنىڭ نەگىزگى جەتىستىكتەرى تۋرالى اڭگىمەلەپ بەردى. 

«اتالمىش شارانىڭ ماقساتى – قوعامدا قازاقستان پوليتسياسىنىڭ ءيميدجىن ارتتىرۋ، جاستاردى پاتريوتتىق جانە ادامگەرشىلىك-ەستەتيكالىق تۇرعىدا تاربيەلەۋ. ءبىز قالامىزدا ميليتسيانىڭ شىعۋ تاريحى تۋرالى، بولىمشەلەردىڭ جۇمىس پرينتسيپتەرى، ىشكى ىستەر ورگاندارى باتىرلارىنىڭ ەرلىكتەرى تۋرالى ايتامىز. جاس ۇرپاق ىشكى ىستەر ورگاندارىنىڭ تاريحى دا تولىق ەنەتىن ءوز قالاسىنىڭ تاريحىن ءبىلىپ، ەستە ساقتاۋعا ءتيىستى. وسىلايشا ءبىز ستۋدەنتتەردى پوليتسەي ماماندىعىنا قىزىقتىرماقپىز. ودان ءارى ءبىز ءال-فارابي اتىنداعى قازۇۋ-ءنىڭ جانە باسقا دا جوعارعى وقۋ ورىندارىنىڭ ستۋدەنتەرى ءۇشىن دە ەكسكۋرسيا وتكىزۋدى جوسپارلاپ وتىرمىز»،- دەدى پودپولكوۆنيك ماحامبەتوۆا.

سونداي-اق كەزدەسۋگە ىشكى ىستەر ورگاندارىنىڭ قۇرمەتتى ارداگەرى، پوليتسيانىڭ وتستاۆكاداعى پولكوۆنيگى تاحمازوۆ فيزۋلي قۇربانۇلى شاقىرىلدى. ول ستۋدەنتتەرمەن «تاۋەلسىزدىك جىلدارىنداعى ىشكى ىستەر ورگاندارىنىڭ قالىپتاسۋى» دەگەن تاقىرىپتا ءدارىس وتكىزدى.

«ستۋدەنتتەردىڭ تۇتاس تاريحقا دەگەن قىزىعۋشىلىعىن ءبىلۋدىڭ ءوزى قۋانىشتى. تۇتاس ۆەدومستۆونىڭ قاتىسۋىنا تىكەلەي اتسالىسقاندار تۋرالى ءبىلۋدىڭ ءوزى ماڭىزدى. ءبىز تەك وسىلاي عانا ستۋدەنتتەردىڭ پوليتسيا جۇمىسىنا دەگەن قىزىعۋشىلىعىن وياتىپ، جاستار ورتاسىنىڭ ىشكى ىستەر ورگاندارىن دۇرىس تۇسىنۋىنە سەپتەسە الامىز. مۇنداي كەزدەسۋلەردى ءجيى وتكىزۋ كەرەك دەپ ەسەپتەيمىن. ويتكەنى ءبىز سياقتى ارداگەرلەردىڭ جاستارمەن كەزدەسىپ، بىلگەندەرىن ورتاعا سالۋعا دەگەن ىنتاسى زور»،- دەپ اياقتادى ءوز ءسوزىن وتستاۆكاداعى پوليتسيا پولكوۆنيگى تاحمازوۆ.

ستۋدەنتتەرمەن ءدارىس جانە اڭگىمە اياقتالعان سوڭ «ميليتسيادان پوليتسياعا كوشۋ» دەرەكتى ءفيلمى كورسەتىلدى.

«The Qazaq Times»