Osıdan biraz uaqıt bwrın jedel järdem köliginiñ jürgizuşisi Nikolay Kuçmanı soqqığa jıqqan Äli Demirdi tärtip saqşıları elden alastatudı talap etude. 

18 qırküyek küni, 28 jastağı türkiyalıq azamat jedel järdem köliginiñ jürgizuşisi Nikolay Kuçmanı soqqığa jıqqandığı turalı beynerolik äleumettik jelige tarağandığı belgili. Atalğan iske baylanıstı policiya qızmetkerleri QR Äkimşilik qwqıq bwzuşılıq tuarlı kodeksınıñ 606 babınıñ 1 tamağına säykes,  24 050 teñge  jäne saqtandıru qwjatınıñ bolmağanına baylanıstı tağıda 10 aylıq eseptik körsetkiş boyınşa ayıppwl salğan.

Almatı qalalıq policiya departamentiniñ habarlauınşa, Köşi-qon basqarmasınıñ ökilderi Äli Ebuzer Demirdi QR Äkimşilik qwqıq bwzuşılıq turalı kodeksınıñ 517 babı boyınşa ("Şeteldiktiñ nemese azamattığı joq adamnıñ Qazaqstan Respublikasınıñ halıqtıñ köşi-qonı salasındağı zañnamasın bwzuı") äkimşilik jauapkerşilikke tartqan.  Qazirgi uaqıtta Äli Ebuzer Demirdi qılmıstıq jauapkerşilikke tartu arqılı elden alastatuğa baylanıstı ötiniş berilgen.

Bwğan deyin 7 jıldan beri Qazaqstan aumağında näpaqasın tauıp jürgen Äli Demir öziniñ atalmış is-äreketi üşin Nikolay Kuçmadan keşirim swrağan. Keyinnen BAQ betterinde Kuçmanıñ onı keşirgendigi jöninde aqparat tarağan.

"The Qazaq Times"