وسىدان ءبىراز ۋاقىت بۇرىن جەدەل جاردەم كولىگىنىڭ جۇرگىزۋشىسى نيكولاي كۋچمانى سوققىعا جىققان ءالي دەميردى ءتارتىپ ساقشىلارى ەلدەن الاستاتۋدى تالاپ ەتۋدە. 

18 قىركۇيەك كۇنى، 28 جاستاعى تۇركيالىق ازامات جەدەل جاردەم كولىگىنىڭ جۇرگىزۋشىسى نيكولاي كۋچمانى سوققىعا جىققاندىعى تۋرالى بەينەروليك الەۋمەتتىك جەلىگە تاراعاندىعى بەلگىلى. اتالعان ىسكە بايلانىستى پوليتسيا قىزمەتكەرلەرى قر اكىمشىلىك قۇقىق بۇزۋشىلىق تۋارلى كودەكسىنىڭ 606 بابىنىڭ 1 تاماعىنا سايكەس،  24 050 تەڭگە  جانە ساقتاندىرۋ قۇجاتىنىڭ بولماعانىنا بايلانىستى تاعىدا 10 ايلىق ەسەپتىك كورسەتكىش بويىنشا ايىپپۇل سالعان.

الماتى قالالىق پوليتسيا دەپارتامەنتىنىڭ حابارلاۋىنشا، كوشى-قون باسقارماسىنىڭ وكىلدەرى ءالي ەبۋزەر دەميردى قر اكىمشىلىك قۇقىق بۇزۋشىلىق تۋرالى كودەكسىنىڭ 517 بابى بويىنشا ("شەتەلدiكتiڭ نەمەسە ازاماتتىعى جوق ادامنىڭ قازاقستان رەسپۋبليكاسىنىڭ حالىقتىڭ كوشى-قونى سالاسىنداعى زاڭناماسىن بۇزۋى") اكىمشىلىك جاۋاپكەرشىلىككە تارتقان.  قازىرگى ۋاقىتتا ءالي ەبۋزەر دەميردى قىلمىستىق جاۋاپكەرشىلىككە تارتۋ ارقىلى ەلدەن الاستاتۋعا بايلانىستى ءوتىنىش بەرىلگەن.

بۇعان دەيىن 7 جىلدان بەرى قازاقستان اۋماعىندا ناپاقاسىن تاۋىپ جۇرگەن ءالي دەمير ءوزىنىڭ اتالمىش ءىس-ارەكەتى ءۇشىن نيكولاي كۋچمادان كەشىرىم سۇراعان. كەيىننەن باق بەتتەرىندە كۋچمانىڭ ونى كەشىرگەندىگى جونىندە اقپارات تاراعان.

"The Qazaq Times"