Prezident Nwrswltan Nazarbaev: «Bağanı sebepsiz qımbattatıp otırğan monopolisterdi jazalau qajet» - dep mälimdedi.

Qauipsizdik Keñesiniñ kezekti otırısında memleket basşısı kommunaldı qızmet bağasınıñ sebepsizden qımbattauına toqtaldı.

Ol öz sözinde: «Men Bas prokuraturağa twrğın üy kommunaldı qızmet tarifterin tekseruge tapsırma berdim. Tekserudiñ qorıtındısı mañızdı bolğandıqtan, men bwnı Qauipsizdik Keñesinde talqılaudı jön kördim. Biz elektr energiyası men jılu bağasın qayta qaraytın bolamız. Bwl mäsele su men gazğa da qatıstı. Bwlardı aldağı uaqıtta tağı da tekseruden ötkizu qajet» dep mälimdedi.

Bwdan bölek, prezident 2009 jılı «Investiciya ornına tarif» bağdarlamasınıñ qabıldanğanın ayta kele:

«Jeti jılda bwl bağdarlama monopolisterge öndiristerin modernizaciyalau üşin milliardtağan qarjı tabuğa kömektesti. Biz öndiristi artıru üşin eki märte tarifterdiñ qımbattauına jol berdik. Biraq energetikalıq kompaniyalar öndiris orındarın jañartudıñ ornına twtınuşılardıñ esebinen bayıdı.» - dedi.

Nwrswltan Nazarbaevtıñ sözinşe, tekseru kezinde twtınuşılardıñ energiya tasımaldauşı kompaniyalardan 14 milliard  teñge qarjılay zardap şekkendigi anıqtalğan. Bwdan bölek energiyamen qamtamasız etuşi kompaniyalardıñ 15 milliard zañsız qarjı tapqandığı belgili bolğan.

"The Qazaq Times"