پرەزيدەنت نۇرسۇلتان نازارباەۆ: «باعانى سەبەپسىز قىمباتتاتىپ وتىرعان مونوپوليستەردى جازالاۋ قاجەت» - دەپ مالىمدەدى.

قاۋىپسىزدىك كەڭەسىنىڭ كەزەكتى وتىرىسىندا مەملەكەت باسشىسى كوممۋنالدى قىزمەت باعاسىنىڭ سەبەپسىزدەن قىمباتتاۋىنا توقتالدى.

ول ءوز سوزىندە: «مەن باس پروكۋراتۋراعا تۇرعىن ءۇي كوممۋنالدى قىزمەت تاريفتەرىن تەكسەرۋگە تاپسىرما بەردىم. تەكسەرۋدىڭ قورىتىندىسى ماڭىزدى بولعاندىقتان، مەن بۇنى قاۋىپسىزدىك كەڭەسىندە تالقىلاۋدى ءجون كوردىم. ءبىز ەلەكتر ەنەرگياسى مەن جىلۋ باعاسىن قايتا قارايتىن بولامىز. بۇل ماسەلە سۋ مەن گازعا دا قاتىستى. بۇلاردى الداعى ۋاقىتتا تاعى دا تەكسەرۋدەن وتكىزۋ قاجەت» دەپ مالىمدەدى.

بۇدان بولەك، پرەزيدەنت 2009 جىلى «ينۆەستيتسيا ورنىنا تاريف» باعدارلاماسىنىڭ قابىلدانعانىن ايتا كەلە:

«جەتى جىلدا بۇل باعدارلاما مونوپوليستەرگە وندىرىستەرىن مودەرنيزاتسيالاۋ ءۇشىن ميللياردتاعان قارجى تابۋعا كومەكتەستى. ءبىز ءوندىرىستى ارتىرۋ ءۇشىن ەكى مارتە تاريفتەردىڭ قىمباتتاۋىنا جول بەردىك. بىراق ەنەرگەتيكالىق كومپانيالار ءوندىرىس ورىندارىن جاڭارتۋدىڭ ورنىنا تۇتىنۋشىلاردىڭ ەسەبىنەن بايىدى.» - دەدى.

نۇرسۇلتان نازارباەۆتىڭ سوزىنشە، تەكسەرۋ كەزىندە تۇتىنۋشىلاردىڭ ەنەرگيا تاسىمالداۋشى كومپانيالاردان 14 ميلليارد  تەڭگە قارجىلاي زارداپ شەككەندىگى انىقتالعان. بۇدان بولەك ەنەرگيامەن قامتاماسىز ەتۋشى كومپانيالاردىڭ 15 ميلليارد زاڭسىز قارجى تاپقاندىعى بەلگىلى بولعان.

"The Qazaq Times"