Özbekstan prem'er-ministriniñ auıl jäne su şaruaşılığı jönindegi orınbasarı Zoyir Mirzaev Taşkent oblısı Aqqorğan audanındağı janjaldan keyin qızmetinen alındı.

27 qazanda altı er adamnıñ maqta alqabındağı arıqtağı suda twrğan sureti äleumettik jelilerge keñ taralğan bolatın. Olar alqap suarılmağandıqtan, prem'er-ministrdiñ orınbasarı jäne jergilikti şeneunikterdiñ közinşe, osılay jazalanğan.

Bwl suret köpşiliktiñ aşu-ızasın tuğızğandıqtan, Özbekstan prezidenti 29 qazanda vice-prem'er Zoyir Mirzaevtı qızmetinen aldı. Sol küni el prezidenti Şavkat Mirziyaev jauaptı basşılardıñ qızmetin asıra paydalanuğa bolmaytını jäne mäjbürli eñbekke jol berilmeytini jöninde jarlıqqa qol qoydı.

Arıqta tize bügip twrğan altı er azamattıñ üşeui Aqqorğan audandıq äkimdiginiñ qızmetkeri bolıp şıqqan. Bireui – mahalla aqsaqalı, ekeui – jergilikti fermerler.

Sol jiında bolğan kuägerlerdiñ biri altı azamattı 40-45 minut boyında salqın suğa twrğızıp qoydı, sosın ılğal kiimderimen dalada jügirtti deydi.

29 qazanda Özbekstannıñ Bas prokuraturası bwl oqiğağa qatıstı kinäliler, qızmetterine qaramastan jauap beredi dep mälimdedi.

"The Qazaq Times"