Almatıda sırtqı jäne işki turizmdi damıtu josparı tanıstırıldı.

Qazan ayınıñ 25 küni Almatı qalasında Qazaqstannıñ sırtqı jäne işki turizmin damıtu memlekettik bağdarlaması men salalıq zañ jobasınıñ jalpıhalıqtıq tanıstırılımı ötti.

Atalğan memlekettik bağdarlama sırtqı jäne işki turistik ağım auqımın wlğaytudı közdeydi. Bağdarlamada 6 bağıtqa basımdıq berilgen:

1)       Turistik infraqwrılımdı damıtu;

2)       Vizalıq jäne köşi-qon sayasatın liberaldandıru;

3)       Turistik nısandar men destinaciyalardıñ köliktik qoljetimdiligin arttıru;

4)       Turistik brendti ilgeriletu;

5)       Memlekettik qoldau tiimdiligin arttıru;

6)       Qızmet körsetu men kadrlıq qamsızdandırudı jetildiru.

İs-şarağa QR Mädeniet jäne sport vice-ministri Kojağapanov Erlan, Memlekettik bağdarlama boyınşa ştab üylestiruşisi Hasenov Erkebwlan, Halıqaralıq keñesşi Savin Il'ya, «KazakhTourism» wlttıq kompaniyası basqarma basşısınıñ orınbasarı Saduaqasov Qayrat, Zañ jobası jönindegi jwmıs tobınıñ jetekşisi, «Profi-T» tiimdi basqaru jäne bäsekege qabilettilikti damıtu halıqaralıq agenttiginiñ prezidenti Qwrbanbaeva Gülnar qatıstı.

"The Qazaq Times"