الماتىدا سىرتقى جانە ىشكى ءتۋريزمدى دامىتۋ جوسپارى تانىستىرىلدى.

قازان ايىنىڭ 25 كۇنى الماتى قالاسىندا قازاقستاننىڭ سىرتقى جانە ىشكى ءتۋريزمىن دامىتۋ مەملەكەتتىك باعدارلاماسى مەن سالالىق زاڭ جوباسىنىڭ جالپىحالىقتىق تانىستىرىلىمى ءوتتى.

اتالعان مەملەكەتتىك باعدارلاما سىرتقى جانە ىشكى تۋريستىك اعىم اۋقىمىن ۇلعايتۋدى كوزدەيدى. باعدارلامادا 6 باعىتقا باسىمدىق بەرىلگەن:

1)       تۋريستىك ينفراقۇرىلىمدى دامىتۋ;

2)       ۆيزالىق جانە كوشى-قون ساياساتىن ليبەرالداندىرۋ;

3)       تۋريستىك نىساندار مەن دەستيناتسيالاردىڭ كولىكتىك قولجەتىمدىلىگىن ارتتىرۋ;

4)       تۋريستىك برەندتى ىلگەرىلەتۋ;

5)       مەملەكەتتىك قولداۋ تيىمدىلىگىن ارتتىرۋ;

6)       قىزمەت كورسەتۋ مەن كادرلىق قامسىزداندىرۋدى جەتىلدىرۋ.

ءىس-شاراعا قر مادەنيەت جانە سپورت ۆيتسە-ءمينيسترى كوجاعاپانوۆ ەرلان، مەملەكەتتىك باعدارلاما بويىنشا شتاب ۇيلەستىرۋشىسى حاسەنوۆ ەركەبۇلان، حالىقارالىق كەڭەسشى ساۆين يليا، «KazakhTourism» ۇلتتىق كومپانياسى باسقارما باسشىسىنىڭ ورىنباسارى سادۋاقاسوۆ قايرات، زاڭ جوباسى جونىندەگى جۇمىس توبىنىڭ جەتەكشىسى، «Profi-T» تيىمدى باسقارۋ جانە باسەكەگە قابىلەتتىلىكتى دامىتۋ حالىقارالىق اگەنتتىگىنىڭ پرەزيدەنتى قۇربانباەۆا گۇلنار قاتىستى.

"The Qazaq Times"