Älemdik ekonomikalıq form jahandıq bäsekelestik indeksiniñ 2018 jılğı esebin jariyaladı.

Esep boyınşa, Qazaqstan 2018 jılı bäsekege qabıletti elder arasında 59 orınğa twraqtağan. Bwl körsetkiş ötken jılmen salıstırğanda 2 satığa tömen.

Qazaqstannan bölek ÄEF esebinde TMD elderi arasında Resey 43, Gruziya 63, Äzirbayjan 69, Armeniya 70,  Ukraina 83, Qırğızstan 97, Täjikstan 103 orında.

Qazaqstan üşin bilik jii aytatın damığan 30 eldiñ qatarına enu armanı jıl ötken sayın alıstap baradı. Ekonomikası şikizatqa qwrılğan eldiñ damığan elderdiñ köşine ilesui qanşalıqtı mümkin ekenin uaqıt körseter. Äzirge soñğı uaqıttarı halıqaralıq wyımdar jariyalap jatqan statistikalıq mälimetterdiñ barlığı bizdiñ elimizdiñ paydasında emes.