الەمدىك ەكونوميكالىق فورم جاھاندىق باسەكەلەستىك يندەكسىنىڭ 2018 جىلعى ەسەبىن جاريالادى.

ەسەپ بويىنشا، قازاقستان 2018 جىلى باسەكەگە قابىلەتتى ەلدەر اراسىندا 59 ورىنعا تۇراقتاعان. بۇل كورسەتكىش وتكەن جىلمەن سالىستىرعاندا 2 ساتىعا تومەن.

قازاقستاننان بولەك اەف ەسەبىندە تمد ەلدەرى اراسىندا رەسەي 43, گرۋزيا 63, ءازىربايجان 69, ارمەنيا 70,  ۋكراينا 83, قىرعىزستان 97, تاجىكستان 103 ورىندا.

قازاقستان ءۇشىن بيلىك ءجيى ايتاتىن دامىعان 30 ەلدىڭ قاتارىنا ەنۋ ارمانى جىل وتكەن سايىن الىستاپ بارادى. ەكونوميكاسى شيكىزاتقا قۇرىلعان ەلدىڭ دامىعان ەلدەردىڭ كوشىنە ىلەسۋى قانشالىقتى مۇمكىن ەكەنىن ۋاقىت كورسەتەر. ازىرگە سوڭعى ۋاقىتتارى حالىقارالىق ۇيىمدار جاريالاپ جاتقان ستاتيستيكالىق مالىمەتتەردىڭ بارلىعى ءبىزدىڭ ەلىمىزدىڭ پايداسىندا ەمەس.