Ministr Jeñis Qasımbek. Foto: primeminister.kz

Astanada QR Prem'er-Ministri Baqıtjan Sağıntaevtıñ törağalığımen Ükimet otırısı ötip jatır, otırıs barısında 2016 jılı «Nwrlı jol» memlekettik bağdarlamasın iske asıru qorıtındıları men biılğı jılğa josparlanğan jwmıstar qarastırıluda dep habarlaydı Prem'er-ministrdiñ resmi saytı. 

QR investiciyalar jäne damu ministri J. Qasımbek 2017-2019 jıldarı avtojol salasında 1,7 trln teñge somasına wzındığı 4,4 mıñ şaqırım qamtılatın 23 jobanı jüzege asıru qarastırılğanın bayandadı.

Bölingen qarajat esebinen 7 ötpeli jobada - Astana-Qarağandı, Ortalıq-Şığıs, Beyneu-Aqtau, Ortalıq-Batıs, Qapşağay-Taldıqorğan, Astana-Petropavl jäne Oral-Kamenka boyınşa jwmıstar jalğastırıladı, jıl qorıtındısı boyınşa 602 şaqırım jolda jwmıstardı ayaqtauda josparlanuda.

Respublikalıq byudjetten bölinetin qarajat esebinen jalpı wzındığı 1 mıñ şaqırımnan asatın 8 jaña jobanı bastau josparlanuda. Wzındığı 2 184 şaqırım bolatın tağı 8 jobanı qarjılandıru halıqaralıq qarjı instituttarınıñ zaymdarı esebinen qarastırılğan.

Jalpı, biıl 4,4 şaqırım joldı salıp, qayta jöndeu jäne oğan 100 mıñğa juıq adamdı tartu közdelip otır.

Sonımen qatar, memlekettik bağdarlamada twrğın üy qwrılısı mäseleleri de qarastırılğan. 2016 jılı twrğın üy qwrılısı men infraqwrılımına 400 mlrd teñge bölingen, ol jalğa beriletin, nesiege beriletin jäne kommerciyalıq twrğın üylerdi, injenerlik-kommunikaciyalıq infraqwrılımdı saluğa jäne Twrğınüyqwrılısjinaqbanki salımşıların nesielendiruge bağıttaldı.

Sonıñ nätijesinde 2016 jılı 8,3 mıñnan astam otbası twrğın üymen qamtıldı (478 mıñ ş.m.), 2017 jıldıñ soñına deyin atalğan qarajat esebinen qosımşa 33,8 mıñ otbası twrğın üymen qamtamasız etiledi. Atalğan mäseleler odan äri de «Nwrlı jol» bağdarlamasınıñ ayasında jüzege asırıladı.

“The Qazaq Times”