مينيستر جەڭىس قاسىمبەك. فوتو: primeminister.kz

استانادا قر پرەمەر-ءمينيسترى باقىتجان ساعىنتاەۆتىڭ توراعالىعىمەن ۇكىمەت وتىرىسى ءوتىپ جاتىر، وتىرىس بارىسىندا 2016 جىلى «نۇرلى جول» مەملەكەتتىك باعدارلاماسىن ىسكە اسىرۋ قورىتىندىلارى مەن بيىلعى جىلعا جوسپارلانعان جۇمىستار قاراستىرىلۋدا دەپ حابارلايدى پرەمەر-ءمينيستردىڭ رەسمي سايتى. 

قر ينۆەستيتسيالار جانە دامۋ ءمينيسترى ج. قاسىمبەك 2017-2019 جىلدارى اۆتوجول سالاسىندا 1,7 ترلن تەڭگە سوماسىنا ۇزىندىعى 4,4 مىڭ شاقىرىم قامتىلاتىن 23 جوبانى جۇزەگە اسىرۋ قاراستىرىلعانىن باياندادى.

بولىنگەن قاراجات ەسەبىنەن 7 وتپەلى جوبادا - استانا-قاراعاندى، ورتالىق-شىعىس، بەينەۋ-اقتاۋ، ورتالىق-باتىس، قاپشاعاي-تالدىقورعان، استانا-پەتروپاۆل جانە ورال-كامەنكا بويىنشا جۇمىستار جالعاستىرىلادى، جىل قورىتىندىسى بويىنشا 602 شاقىرىم جولدا جۇمىستاردى اياقتاۋدا جوسپارلانۋدا.

رەسپۋبليكالىق بيۋدجەتتەن بولىنەتىن قاراجات ەسەبىنەن جالپى ۇزىندىعى 1 مىڭ شاقىرىمنان اساتىن 8 جاڭا جوبانى باستاۋ جوسپارلانۋدا. ۇزىندىعى 2 184 شاقىرىم بولاتىن تاعى 8 جوبانى قارجىلاندىرۋ حالىقارالىق قارجى ينستيتۋتتارىنىڭ زايمدارى ەسەبىنەن قاراستىرىلعان.

جالپى، بيىل 4,4 شاقىرىم جولدى سالىپ، قايتا جوندەۋ جانە وعان 100 مىڭعا جۋىق ادامدى تارتۋ كوزدەلىپ وتىر.

سونىمەن قاتار، مەملەكەتتىك باعدارلامادا تۇرعىن ءۇي قۇرىلىسى ماسەلەلەرى دە قاراستىرىلعان. 2016 جىلى تۇرعىن ءۇي قۇرىلىسى مەن ينفراقۇرىلىمىنا 400 ملرد تەڭگە بولىنگەن، ول جالعا بەرىلەتىن، نەسيەگە بەرىلەتىن جانە كوممەرتسيالىق تۇرعىن ۇيلەردى، ينجەنەرلىك-كوممۋنيكاتسيالىق ينفراقۇرىلىمدى سالۋعا جانە تۇرعىنۇيقۇرىلىسجيناقبانكى سالىمشىلارىن نەسيەلەندىرۋگە باعىتتالدى.

سونىڭ ناتيجەسىندە 2016 جىلى 8,3 مىڭنان استام وتباسى تۇرعىن ۇيمەن قامتىلدى (478 مىڭ ش.م.), 2017 جىلدىڭ سوڭىنا دەيىن اتالعان قاراجات ەسەبىنەن قوسىمشا 33,8 مىڭ وتباسى تۇرعىن ۇيمەن قامتاماسىز ەتىلەدى. اتالعان ماسەلەلەر ودان ءارى دە «نۇرلى جول» باعدارلاماسىنىڭ اياسىندا جۇزەگە اسىرىلادى.

“The Qazaq Times”