Qazaqstan men Resey Bayqoñır ğarış aylağınan wşırılğan «Soyuz MS-10» kemesiniñ apatqa wşırauına baylanıstı birlesken ükimet komissiyasın qwratın boldı. Bwl turalı QR İİM qarastı tötenşe jağdaylar komitetiniñ törağası Vladimir Bekker mälimdedi.

«Qazaqstan men Reseydiñ tiisti organdarınan jasaqtalğan arnayı komissiya qwrılatın boladı. Oqiğa tolıqqandı tekseriledi. Biz aqparattarmen mindetti türde bölisetin bolamız» - dedi Bayqoñırda bolğan apatqa baylanıstı ötken arnayı brifingte vedomstva basşısı.

Esteriñizge salayıq, 11 qazan küni sağat 14:40-ta Bayqoñır ğarış aylağınan bortında «Soyuz MS-10» kemesi bar «Soyuz FG» zımıranı wşırılğan. Biraq zımıran äuege köterilgen bette apatqa wşırap, ekipaj müşeleri jerge qonuğa mäjbür bolğan.

"The Qazaq Times"