Qırğızstannıñ Qazaqstannan baratın tauıq etine şekteu qoyuı zañsız.

QR Auıl şaruaşılığı ministrligi baspasöz qızmeti taratqan aqparat boyınşa, Qırğızstan tarapınıñ Qazaqstannan baratın tauıq etine şekteu qoyuı zañğa qayşı. Sebebi Qırğızstanğa tauıq etin eksporttaytın Almatı oblısında soñğı 10 jılda qws twmauı derti tirkelmegen. Al Soltüstik Qazaqstan oblısınnıñ Ayırtau audanında N'yukasl dertine qatıstı engizilgen karantin 2018 jıldıñ 19 qırküyeginde alınıp tastalğan.

Qazirgi tañda tiisti hattama Qırğızstannıñ veterinarlıq jäne sanitarlıq qauipsizdik jönindegi memlekettik inspekciyasına jiberilgen.

Esteriñizge salayıq, bwğan deyin Qırğızstannıñ veterinarlıq jäne sanitarlıq qauipsizdik jönindegi memlekettik inspekciyası Qazaqstannan importtalatın tauıq etine uaqıtşa şekteu qoyılğandığın mälimdegen. Qırğızstan tarapınıñ sözinşe, olardıñ bwnday qadamğa baruına Qazaqstan aumağında qws twmauı indetiniñ joğarı boluı sebep bolğan.

"The Qazaq Times"