Foto: Atameken Business Channel

Astanadağı "Nwrswltan Nazarbaev" äuejayınıñ qızmet körsetu bağası tağı qımbattamaq.

Astana äuejayı basşılığın habarlauınşa, 2019 jıldan bastap "Nwrswltan Nazarbaevtıñ" qızmet körsetu bağası birnşeşe esege qımbattaydı. Halıqaralıq äue transportı associaciyasınıñ boljamı boyınşa, kelesi jıldıñ qañtarınan bastalatın qımbattaular keybir qızmet türlerinde 314% deyin öspek.

Qazirdiñ özinde "Nwrswltan Nazarbaev" bağası özge äuejaylarmen salıstırğanda älde qayda joğarı. Mısalğa, Astana äuejayında 1 tonna jük tasımalına 14 506 teñge alınsa, Almatı men Qarağandı äuejayları jük tasımalınıñ tonnasına 5 250 jäne 5 973 teñge aladı. Al Stambwl men Bangkok äuejaylarında bwl körsetkiş 14 537 jäne 9 999 teñgege teñ. YAğni, qazirdiñ özinde Astana äuejayınıñ qızmeti Stambwl äuejayımen birdey.

Jalpı, Astana äuejayı prezident "Nwrswltan Nazarbaevtıñ" atı berilgen künnen bastap daudan arılmay keledi. Esteriñizde bolsa, osıdan biraz uaqıt bwrın äuejay avto twrağına kölikterin bir künge tastap ketken bir top adam bir täulikke 100 mıñ teñgeden artıq aqşa tölegenlikterin aytıp, narazılıqtarın bildirgen. Biraq ol kezde de äuejay aumağındağı qımbatşılıq «jabulı qazan» küyinde qalğan.

"The Qazaq Times"