فوتو: Atameken Business Channel

استاناداعى "نۇرسۇلتان نازارباەۆ" اۋەجايىنىڭ قىزمەت كورسەتۋ باعاسى تاعى قىمباتتاماق.

استانا اۋەجايى باسشىلىعىن حابارلاۋىنشا، 2019 جىلدان باستاپ "نۇرسۇلتان نازارباەۆتىڭ" قىزمەت كورسەتۋ باعاسى بىرنشەشە ەسەگە قىمباتتايدى. حالىقارالىق اۋە ترانسپورتى اسسوتسياتسياسىنىڭ بولجامى بويىنشا، كەلەسى جىلدىڭ قاڭتارىنان باستالاتىن قىمباتتاۋلار كەيبىر قىزمەت تۇرلەرىندە 314% دەيىن وسپەك.

قازىردىڭ وزىندە "نۇرسۇلتان نازارباەۆ" باعاسى وزگە اۋەجايلارمەن سالىستىرعاندا الدە قايدا جوعارى. مىسالعا، استانا اۋەجايىندا 1 توننا جۇك تاسىمالىنا 14 506 تەڭگە الىنسا، الماتى مەن قاراعاندى اۋەجايلارى جۇك تاسىمالىنىڭ تونناسىنا 5 250 جانە 5 973 تەڭگە الادى. ال ستامبۇل مەن بانگكوك اۋەجايلارىندا بۇل كورسەتكىش 14 537 جانە 9 999 تەڭگەگە تەڭ. ياعني، قازىردىڭ وزىندە استانا اۋەجايىنىڭ قىزمەتى ستامبۇل اۋەجايىمەن بىردەي.

جالپى، استانا اۋەجايى پرەزيدەنت "نۇرسۇلتان نازارباەۆتىڭ" اتى بەرىلگەن كۇننەن باستاپ داۋدان ارىلماي كەلەدى. ەستەرىڭىزدە بولسا، وسىدان ءبىراز ۋاقىت بۇرىن اۋەجاي اۆتو تۇراعىنا كولىكتەرىن ءبىر كۇنگە تاستاپ كەتكەن ءبىر توپ ادام ءبىر تاۋلىككە 100 مىڭ تەڭگەدەن ارتىق اقشا تولەگەنلىكتەرىن ايتىپ، نارازىلىقتارىن بىلدىرگەن. بىراق ول كەزدە دە اۋەجاي اۋماعىنداعى قىمباتشىلىق «جابۋلى قازان» كۇيىندە قالعان.

"The Qazaq Times"