Almatı qalasınıñ äkimi Bauırjan Baybek. Foto: Forbes.kz

Almatıda wrlanğan wyalı telefondar Qırğızstan men Täjikstanğa jöneltiledi.

Qırküyek ayınıñ 25-i küni Almatı qalasınıñ äkimi Bauırjan Baybek Ükimet otırısında şahardağı qılmıspen küres mäselesi jöninde mälimdeme jasadı. Bauırjan mırzanıñ sözinşe, Almatı qalasında wrlanğan wyalı telefondardıñ basım köpşiligi Qırğızstan men Täjikstanğa jöniltiledi. Sol sebepti qılmıstı aşu jwmıstarı öte bayau jürgizilude. Soñğı on jılda Qazaqstan boyınşa tirkelgen qılmıstıq isterdiñ 20 payızı däl osı Almatı qalasına tiesili.

Ayta ketetin bir jayt, jaqında «Numbeo» halıqaralıq ortalığı Almatını älemdegi ömir süruge eñ qauipti qalalardıñ tizimine engizgen. 327 qala engin reytingte Almatı qalası 2018 jıldıñ qorıtındısı boyınşa 112 orında.

Esteriñizge salayıq, tamız ayınıñ 19-ı küni Almatı qalasınıñ ortalıq köşeleriniñ birinde tanımal mänerdep sırğanauşı Denis Tenge qaraqşılıq şabuıl jasalıp, älemge tanımal sportşı pışaq jaraqatınan köz jwmğan. Osıdan keyin Almatı qalasınıñ İİD men QR İİM qoğam tarapınan ülken sınğa qalğan. Azamattıq belsendiler men jurnalister işki ister ministri Qalmwhanbet Qasımovtıñ otstavkağa ketuin jäne İİM tübegeyli reformalaudı talap etken. Biraq Qasımov mırzanıñ özi halıqtıñ bwl talabına: «Ükimet pen prezident qalay şeşedi, biz soğan könemiz» dep jauap bergen.

"The Qazaq Times"