Su jaña qarjı ministri kim?

Su jaña qarjı ministri kim?

Bügin pralament mäjilisi deputattarı qarjı jäne byudjet komiteti otırısında qarjı ministri qızmetine Älihan Smaylovtıñ kandidaturasın qoldadı. Smaylovtı atalmış lauazımğa prem'er-ministr Baqıtjan Sağıntaev wsınğan.

Aq orda saytınıñ mälimetinşe, Älihan Smaylov 1972 jılı Almatı qalasında düniege kelgen. 1994 jılı äl-Farabi atındağı Qazaq memlekettik wlttıq universitetin qoldanbalı matematika mamandığı boyınşa  bitirgen.

1996 jılı Qazaqstan Respublikası Prezidenti janındağı Qazaq menedjment, ekonomika jäne boljau institutın tämämdap, memlekettik basqaru magistri därejesin alğan.

1993-1995 jıldarı – «A-Invest» investiciyalıq-jekeşelendiru qorınıñ bas mamanı.

1996-1998 jıldarı – Qazaqstan Respublikası Wlttıq statistika agenttiginiñ basqarma bastığınıñ orınbasarı, basqarma bastığı.

1998 jılğı naurız ben säuir aralığında – Qazaqstan Respublikası Statistikalıq josparlau jäne reformalar agenttiginiñ Statistika jäne taldau komiteti törağasınıñ orınbasarı.

1998-1999 jıldarı – Qazaqstan Respublikası Prezidenti Äkimşiliginde bas sarapşı, sektor meñgeruşisi, memlekettik inspektor.

1999-2003 jıldarı – Qazaqstan Respublikası Statistitka agenttiginiñ törağası.

2003 jıldıñ aqpanı men şilde aralığında – Qazaqstan Respublikası Sırtqı ister vice-ministri.

2003-2006 jıldarı – «Eksporttıq nesieler men investiciyalardı saqtandıru jönindegi memlekettik saqtandıru kompaniyası» AQ basqarmasınıñ törağası.

2006-2007 jıldarı – Qazaqstan Respublikası Qarjı vice-ministri.

2007-2008 jıldarı – «QazAgro» Wlttıq holdingi» AQ prezidenti.

2008-2009 jıldarı – Qazaqstan Respublikası Qarjı vice-ministri.

2009-2014 jıldarı – Qazaqstan Respublikası Statistika agenttiginiñ törağası.

2014-2015 jıldarı – Qazaqstan Respublikası Wlttıq ekonomika ministrliginiñ Statistika komitetiniñ törağası.

2015 jılğı jeltoqsanda Memleket basşısınıñ Jarlığımen Qazaqstan Respublikası Prezidentiniñ kömekşisi bolıp tağayındaldı.

«Qwrmet» ordeni jäne «Eren eñbegi üşin», «Qazaqstan täuelsizdigine 10 jıl», «Qazaqstan Konstituciyasına 10 jıl», «Astanağa 10 jıl» medal'darımen marapattalğan.

Esteriñizge salayıq, bwğan deyin Qarjı ministri kreslosına Baqıt Swltanov ielik etken. Ol qırküyek ayınıñ 11-i küni Astana qalasınıñ äkimi bolıp tağayındalğan.

"The Qazaq Times"