Foto: https://aktobeinfo.kz

Qazaqstanda benzin qwnı nege artadı? Osı saualğa Ükimet basşısınıñ birinşi orınbasarı, qarjı ministri Älihan Smayılov jauap beruge tırıstı.

Tayauda Wlttıq ekonomika ministrligi benzinniñ bir litriniñ akcizi 2020 jıldıñ 1 qañtarınan bastap 10 teñgege köteriletinin habarlağan bolatın. Qazaqstanda AI-91 bağası bir litrine 163 teñge ekenin eske salğan ministr Reseyde bwl teñgelik mände alğanda litrine 260 teñgeden asatının ayttı. «Tiisinşe, bizdegi mwnay önimderi jappay Reseyge äketilip jatır. Sol sebepti biz benzindi avtokölikpen şığarudı şekteuge mäjbür boldıq», – deydi Smayılov.

Osı mäsele jöninde ötken arnayı jiında Ä.Smayılov: «Benzin bağası litrine 10 teñgege ösedi dep kütilude. Bwl şamamen 6%. Inflyaciyağa eleuli äser etpeui tiis, degenmen bağanıñ ösui ünemi kün tärtibinde. Äleumettik mañızdı azıq-tülik önimderiniñ bağasın wstap twru üşin barlıq şaranı qabıldau qajet. Birinşiden, kelesi jılı äleumettik salanıñ şığındarı artadı. Bwdan bölek, «Pedagog märtebesi» turalı zañ qabıldanğalı jatır. Oğan säykes, aldağı tört jılda mwğalimderdiñ jalaqısın eki esege köbeytu josparlanıp otır. Mwnıñ bäri qosımşa aqşanı qajet etedi. Sol sebepti qosımşa tabıs közderiniñ biri osı akciz bolıp otır, biraq bwl bastı kiris közi emes. Bastısı – kedendik-salıqtıq äkimşilendirudi jaqsartu. Akcizderdi köteru kelesi jılı kiristi wlğaytu faktorlarınıñ biri. Ol qosımşa 50 milliard teñgeden asa qarjı jinauğa mümkindik beredi», – dedi.

"The Qazaq Times"