سۋ جاڭا قارجى ءمينيسترى كىم؟

سۋ جاڭا قارجى ءمينيسترى كىم؟

بۇگىن پرالامەنت ءماجىلىسى دەپۋتاتتارى قارجى جانە بيۋدجەت كوميتەتى وتىرىسىندا قارجى ءمينيسترى قىزمەتىنە ءاليحان سمايلوۆتىڭ كانديداتۋراسىن قولدادى. سمايلوۆتى اتالمىش لاۋازىمعا پرەمەر-مينيستر باقىتجان ساعىنتاەۆ ۇسىنعان.

اق وردا سايتىنىڭ مالىمەتىنشە، ءاليحان سمايلوۆ 1972 جىلى الماتى قالاسىندا دۇنيەگە كەلگەن. 1994 جىلى ءال-فارابي اتىنداعى قازاق مەملەكەتتىك ۇلتتىق ۋنيۆەرسيتەتىن قولدانبالى ماتەماتيكا ماماندىعى بويىنشا  بىتىرگەن.

1996 جىلى قازاقستان رەسپۋبليكاسى پرەزيدەنتى جانىنداعى قازاق مەنەدجمەنت، ەكونوميكا جانە بولجاۋ ينستيتۋتىن ءتامامداپ، مەملەكەتتىك باسقارۋ ماگيسترى دارەجەسىن العان.

1993-1995 جىلدارى – «ا-ينۆەست» ينۆەستيتسيالىق-جەكەشەلەندىرۋ قورىنىڭ باس مامانى.

1996-1998 جىلدارى – قازاقستان رەسپۋبليكاسى ۇلتتىق ستاتيستيكا اگەنتتىگىنىڭ باسقارما باستىعىنىڭ ورىنباسارى، باسقارما باستىعى.

1998 جىلعى ناۋرىز بەن ساۋىر ارالىعىندا – قازاقستان رەسپۋبليكاسى ستاتيستيكالىق جوسپارلاۋ جانە رەفورمالار اگەنتتىگىنىڭ ستاتيستيكا جانە تالداۋ كوميتەتى توراعاسىنىڭ ورىنباسارى.

1998-1999 جىلدارى – قازاقستان رەسپۋبليكاسى پرەزيدەنتى اكىمشىلىگىندە باس ساراپشى، سەكتور مەڭگەرۋشىسى، مەملەكەتتىك ينسپەكتور.

1999-2003 جىلدارى – قازاقستان رەسپۋبليكاسى ستاتيستيتكا اگەنتتىگىنىڭ توراعاسى.

2003 جىلدىڭ اقپانى مەن شىلدە ارالىعىندا – قازاقستان رەسپۋبليكاسى سىرتقى ىستەر ۆيتسە-ءمينيسترى.

2003-2006 جىلدارى – «ەكسپورتتىق نەسيەلەر مەن ينۆەستيتسيالاردى ساقتاندىرۋ جونىندەگى مەملەكەتتىك ساقتاندىرۋ كومپانياسى» اق باسقارماسىنىڭ توراعاسى.

2006-2007 جىلدارى – قازاقستان رەسپۋبليكاسى قارجى ۆيتسە-ءمينيسترى.

2007-2008 جىلدارى – «قازاگرو» ۇلتتىق حولدينگى» اق پرەزيدەنتى.

2008-2009 جىلدارى – قازاقستان رەسپۋبليكاسى قارجى ۆيتسە-ءمينيسترى.

2009-2014 جىلدارى – قازاقستان رەسپۋبليكاسى ستاتيستيكا اگەنتتىگىنىڭ توراعاسى.

2014-2015 جىلدارى – قازاقستان رەسپۋبليكاسى ۇلتتىق ەكونوميكا مينيسترلىگىنىڭ ستاتيستيكا كوميتەتىنىڭ توراعاسى.

2015 جىلعى جەلتوقساندا مەملەكەت باسشىسىنىڭ جارلىعىمەن قازاقستان رەسپۋبليكاسى پرەزيدەنتىنىڭ كومەكشىسى بولىپ تاعايىندالدى.

«قۇرمەت» وردەنى جانە «ەرەن ەڭبەگى ءۇشىن»، «قازاقستان تاۋەلسىزدىگىنە 10 جىل»، «قازاقستان كونستيتۋتسياسىنا 10 جىل»، «استاناعا 10 جىل» مەدالدارىمەن ماراپاتتالعان.

ەستەرىڭىزگە سالايىق، بۇعان دەيىن قارجى ءمينيسترى كرەسلوسىنا باقىت سۇلتانوۆ يەلىك ەتكەن. ول قىركۇيەك ايىنىڭ 11-ءى كۇنى استانا قالاسىنىڭ اكىمى بولىپ تاعايىندالعان.

"The Qazaq Times"