Süriyada Resey qarulı küşterine tiesili «Il-20» wşağı joğalıp ketti.

Resey Qorğanıs ministrliginiñ mälimetinşe, bortında 14 äskeri qızmetker bar Il-20 wşağımen baylanıs 17 qırküyek küni tüngi sağat 23-00 şamasında üzilgen. Ekipaj müşeleri soñğı ret Hmeymim bazasına Jerorta teñizi aumağında Süriya şekarasınan 35 şaqırım jerde ekendigi jöninde habar bergen.

Süriya resmi organdarı taratqan habar boyınşa, Il-20 wşağınıñ joğaluı Izrail' äskeri äue küşteriniñ Latakiya aumağın bombalauımen säykes kelgen. Süriyanıñ SANA aqparat agenttiginiñ boljamı boyınşa, Resey wşağın Latakiyanı atqılağan Izrail' joyğış wşaqtarı atıp tüsirui mümkin.

CNN telearnasınıñ wlttıq qauipsizdik mäseleleri boyınşa arnayı tilşisi Rayan Braun öziniñ AQŞ resmi ökilderi arasındağı aqparat közderine silteme jasap, atalmış oqiğağa baylanıstı «Twitter» paraqşasına: «Süriya qarulı küşteri Latakiyağa şabuıl jasağan Izrail' wşaqtarın atıp tüsiremiz dep, kezdeysoq Resey jağalau patrul'dik wşağın atıp tüsirgen» - dep jazdı.

Öz kezeginde «Interfaks» aqparat agenttigi äue kemelerin izdestiru jäne qwtqaru halıqaralıq wyımına silteme jasap, «Il-20 wşaq bortında bolğan keleñsiz oqiğalarğa baylanıstı apatqa wşırap, Jerorta teñizine batıp ketui mümkin» degen aqparat taratqan.

"The Qazaq Times"