ءسۇريادا رەسەي قارۋلى كۇشتەرىنە تيەسىلى «يل-20» ۇشاعى جوعالىپ كەتتى.

رەسەي قورعانىس مينيسترلىگىنىڭ مالىمەتىنشە، بورتىندا 14 اسكەري قىزمەتكەر بار يل-20 ۇشاعىمەن بايلانىس 17 قىركۇيەك كۇنى تۇنگى ساعات 23-00 شاماسىندا ۇزىلگەن. ەكيپاج مۇشەلەرى سوڭعى رەت حمەيميم بازاسىنا جەرورتا تەڭىزى اۋماعىندا ءسۇريا شەكاراسىنان 35 شاقىرىم جەردە ەكەندىگى جونىندە حابار بەرگەن.

ءسۇريا رەسمي ورگاندارى تاراتقان حابار بويىنشا، يل-20 ۇشاعىنىڭ جوعالۋى يزرايل اسكەري اۋە كۇشتەرىنىڭ لاتاكيا اۋماعىن بومبالاۋىمەن سايكەس كەلگەن. ءسۇريانىڭ SANA اقپارات اگەنتتىگىنىڭ بولجامى بويىنشا، رەسەي ۇشاعىن لاتاكيانى اتقىلاعان يزرايل جويعىش ۇشاقتارى اتىپ ءتۇسىرۋى مۇمكىن.

CNN تەلەارناسىنىڭ ۇلتتىق قاۋىپسىزدىك ماسەلەلەرى بويىنشا ارنايى ءتىلشىسى رايان براۋن ءوزىنىڭ اقش رەسمي وكىلدەرى اراسىنداعى اقپارات كوزدەرىنە سىلتەمە جاساپ، اتالمىش وقيعاعا بايلانىستى «Twitter» پاراقشاسىنا: «ءسۇريا قارۋلى كۇشتەرى لاتاكياعا شابۋىل جاساعان يزرايل ۇشاقتارىن اتىپ تۇسىرەمىز دەپ، كەزدەيسوق رەسەي جاعالاۋ پاترۋلدىك ۇشاعىن اتىپ تۇسىرگەن» - دەپ جازدى.

ءوز كەزەگىندە «ينتەرفاكس» اقپارات اگەنتتىگى اۋە كەمەلەرىن ىزدەستىرۋ جانە قۇتقارۋ حالىقارالىق ۇيىمىنا سىلتەمە جاساپ، «يل-20 ۇشاق بورتىندا بولعان كەلەڭسىز وقيعالارعا بايلانىستى اپاتقا ۇشىراپ، جەرورتا تەڭىزىنە باتىپ كەتۋى مۇمكىن» دەگەن اقپارات تاراتقان.

"The Qazaq Times"