Astana nöser jauınğa dayın emes, osınday tabiği qwbılıstardan halıqtıñ zardap şegui elordanıñ abıroyına nwqsan keltiredi, dep mälimdedi senat törağası Qasım-Jomart Toqaev.

Qasım-Jomart Toqaev öziniñ Twitter paraqşasında Astananıñ tabiği qwbılıstarğa dayın emes ekenin aytıp, nöser jauınnan keyin köşelerdi su alıp ketkenine narazılığın bildirdi. "Astana nöser jañbır jäne basqa tabiği qwbılıstarğa dayın emes. Elorda twrğındarı zardap şegip, Astananıñ halıqaralıq bedeline nwqsan kelude", — dep jazdı.

​Onıñ aytuınşa, "bwl mäseleni elordanıñ 20 jıldığına jetkizbey şeşuge bolatın edi".

Esteriñizge salayıq, biıl Astana qalasınıñ 20 jıldığına byudjetten 19 milliard dollar qarjı bölingen. Atalmış qarjığa Mädeniet jäne sport ministrligi bastağan "şeneunikter armiyası" şetelden ärtister şaqırıp, wlan asır toy jasağan. Biraq sol uaqıtta jañbır jauğan sayın Astana "aqqu wşıp, qaz qonğan Veneciyağa aynalatını" parlament spikeriniñ de, basqanıñ da "üş wyıqtasa tüsine kirmegen".

“The Qazaq Times”