استانا نوسەر جاۋىنعا دايىن ەمەس، وسىنداي تابيعي قۇبىلىستاردان حالىقتىڭ زارداپ شەگۋى ەلوردانىڭ ابىرويىنا نۇقسان كەلتىرەدى، دەپ مالىمدەدى سەنات توراعاسى قاسىم-جومارت توقاەۆ.

قاسىم-جومارت توقاەۆ ءوزىنىڭ Twitter پاراقشاسىندا استانانىڭ تابيعي قۇبىلىستارعا دايىن ەمەس ەكەنىن ايتىپ، نوسەر جاۋىننان كەيىن كوشەلەردى سۋ الىپ كەتكەنىنە نارازىلىعىن ءبىلدىردى. "استانا نوسەر جاڭبىر جانە باسقا تابيعي قۇبىلىستارعا دايىن ەمەس. ەلوردا تۇرعىندارى زارداپ شەگىپ، استانانىڭ حالىقارالىق بەدەلىنە نۇقسان كەلۋدە", — دەپ جازدى.

​ونىڭ ايتۋىنشا، "بۇل ماسەلەنى ەلوردانىڭ 20 جىلدىعىنا جەتكىزبەي شەشۋگە بولاتىن ەدى".

ەستەرىڭىزگە سالايىق، بيىل استانا قالاسىنىڭ 20 جىلدىعىنا بيۋدجەتتەن 19 ميلليارد دوللار قارجى بولىنگەن. اتالمىش قارجىعا مادەنيەت جانە سپورت مينيسترلىگى باستاعان "شەنەۋنىكتەر ارمياسى" شەتەلدەن ارتىستەر شاقىرىپ، ۇلان اسىر توي جاساعان. بىراق سول ۋاقىتتا جاڭبىر جاۋعان سايىن استانا "اققۋ ۇشىپ، قاز قونعان ۆەنەتسياعا اينالاتىنى" پارلامەنت سپيكەرىنىڭ دە، باسقانىڭ دا ء"ۇش ۇيىقتاسا تۇسىنە كىرمەگەن".

“The Qazaq Times”