2018 jıldıñ qañtar-mamır aylarında Qazaqstanda 332 908 jeñil avtokölik tirkelgen. Al, mausımdağı jağday boyınşa, tirkelgen jeñil avtomobil'derdiñ sanı 3828,9 mıñ birlikti qwrağan.  2018 jıldıñ mamır ayında tirkelgen jeñil avtomobil'der sanı 2017 jıldıñ däl sol uaqıtımen salıstırğanda 81,9% artqan. Bwl turalı QR Wlttıq ekonomika ministrligi Statistika komitetinen habarlandı.

Kölik sanınıñ köbeyuimen jol-kölik apatınıñ da sanı artqan. Ötken jılı 17019 jol-kölik oqiğası orın alıp, 24342 adam zardap şekken .  Osı jıldıñ 1 mausımında kölik qwraldarın saqtandırumen aynalısatın wyımdar 10,1 mlrd teñge köleminde 28 032 tölem jasağan.

Avtokölikterdiñ basım köpşiligi Almatı öñirine tiesili. Almatı oblısı men qalasın qosa eseptegende jeñil avtokölikter sanı millionğa tayağan.

Jıl bastalğalı Qazaqstanda 214,3 mlrd teñgege 25 989 jaña jeñil avtokölik satıp alınğan. Satıp aluşılardıñ üşten biri 5 mln teñgeden qımbat emes kölikterdi tañdağan.

Soğan oray qoljetimdiligi joğarı model'derdiñ reytinginde otandıq avtokölikter ötimdi boldı.

Eñ qoljetimdi avtomobil'derdiñ TOR-10 qatarına Ravon Nexia (2,75 mln teñge), Ravon R2 (2,78 mln teñge), Lada Kalina (2,93 mln), Lada 4×4 (3,1 mln), Ravon R4 (3,25 mln), Renault Logan (3,55 mln), Lada 4×4 Pickup (3,65 mln), Ravon Gentra (3,73 mln) jäne Chevrolet Niva (3,99 mln) endi. Eñ qımbat model'der reytinginde Porsche 911 Turbo (66,9 mln teñge), Porsche Panamera (54,6 mln teñge) men Lexus LC (45,6 mln teñge) köş bastadı

“The Qazaq Times”