2018 جىلدىڭ قاڭتار-مامىر ايلارىندا قازاقستاندا 332 908 جەڭىل اۆتوكولىك تىركەلگەن. ال، ماۋسىمداعى جاعداي بويىنشا، تىركەلگەن جەڭىل اۆتوموبيلدەردىڭ سانى 3828,9 مىڭ بىرلىكتى قۇراعان.  2018 جىلدىڭ مامىر ايىندا تىركەلگەن جەڭىل اۆتوموبيلدەر سانى 2017 جىلدىڭ ءدال سول ۋاقىتىمەن سالىستىرعاندا 81,9% ارتقان. بۇل تۋرالى قر ۇلتتىق ەكونوميكا مينيسترلىگى ستاتيستيكا كوميتەتىنەن حابارلاندى.

كولىك سانىنىڭ كوبەيۋىمەن جول-كولىك اپاتىنىڭ دا سانى ارتقان. وتكەن جىلى 17019 جول-كولىك وقيعاسى ورىن الىپ، 24342 ادام زارداپ شەككەن .  وسى جىلدىڭ 1 ماۋسىمىندا كولىك قۇرالدارىن ساقتاندىرۋمەن اينالىساتىن ۇيىمدار 10,1 ملرد تەڭگە كولەمىندە 28 032 تولەم جاساعان.

اۆتوكولىكتەردىڭ باسىم كوپشىلىگى الماتى وڭىرىنە تيەسىلى. الماتى وبلىسى مەن قالاسىن قوسا ەسەپتەگەندە جەڭىل اۆتوكولىكتەر سانى ميلليونعا تاياعان.

جىل باستالعالى قازاقستاندا 214,3 ملرد تەڭگەگە 25 989 جاڭا جەڭىل اۆتوكولىك ساتىپ الىنعان. ساتىپ الۋشىلاردىڭ ۇشتەن ءبىرى 5 ملن تەڭگەدەن قىمبات ەمەس كولىكتەردى تاڭداعان.

سوعان وراي قولجەتىمدىلىگى جوعارى مودەلدەردىڭ رەيتينگىندە وتاندىق اۆتوكولىكتەر ءوتىمدى بولدى.

ەڭ قولجەتىمدى اۆتوموبيلدەردىڭ تور-10 قاتارىنا Ravon Nexia (2,75 ملن تەڭگە), Ravon R2 (2,78 ملن تەڭگە), Lada Kalina (2,93 ملن), Lada 4×4 (3,1 ملن), Ravon R4 (3,25 ملن), Renault Logan (3,55 ملن), Lada 4×4 Pickup (3,65 ملن), Ravon Gentra (3,73 ملن) جانە Chevrolet Niva (3,99 ملن) ەندى. ەڭ قىمبات مودەلدەر رەيتينگىندە Porsche 911 Turbo (66,9 ملن تەڭگە), Porsche Panamera (54,6 ملن تەڭگە) مەن Lexus LC (45,6 ملن تەڭگە) كوش باستادى

“The Qazaq Times”