Mäskeude 2,5 mıñ adamnıñ qatısuımen şeru ötti – dep  habarlaydı Interfaks aqparat agenttigi.

Agenttik mälimetinşe, Mäskeu qalasınıñ Akademik Saharov köşesinde zeynet jasın 63 jastan 65 jasqa wzartuğa qarsı şeru ötken. Qarsılıq akciyasına «YAbloko», «Demokratiyalıq qozğalıs», «Aşıq Resey» partiyalarınıñ ökilderdi men oppoziciyalıq sayasatker Aleksey Naval'nıydıñ jaqtastarı qatısqan. Birneşe partiyanıñ basın qosqan bwl jolğı qarsılıq akciyasına Mäskeu äkimşiligi rwqsat bergen.

Esteriñizge salayıq, şilde ayınıñ 19-ı küni Memlekettik Dumağa zeynet jasın 65 jäne 63 jasqa wzartuğa baylanıstı zañ jobası kelip tüsken. Joba avtorları deputattardan erlerdiñ zeynet jasın 63-ten 65-ke, al äyelderdiñ zeynet jasın 58-den 63-ke wzartudı swrağan.

Ayta ketetin bir jayt, 2013 jılı Qazaqstanda da äyelderdiñ zeynet jasın 63-ke deyin wzartu wsınılğan jäne sol kezdegi eñbek jäne äleumetti qorğau ministri bolğan Serik Äbdenov bükil Respublikağa tanımal sayasatker atanğan. Ol Qarağandı oblısına jasağan saparında jergilikti twrğındardıñ «äyelder ne sebepti 63 jasta zeynetke şığuı tiis?» degen swrağına: «Potomu çto, potomu çto» dep jauap bergen. Osıdan bastap Äbdenov mırza halıq arasında «ministr potomu çto» atağın alğan jäne köp wzamay otstavkağa ketken. Biraq ministr ketkenimen halıq tarapınan ülken qarsılıqqa tap bolğan zañ jobası köp wzamay parlamentke qaytıp oraldı. Bwl jolğı zañ boyışa 2018 jıldıñ 1 qañtarınan bastap äyelderdiñ zeynet jası 2027 jılğa deyin jılına 6 aydan wlğayatın boladı. Bwl wlğayu 2027 jılı 63 jasqa kelip biraq toqtaydı. Bir sözben aytqanda osıdan bes jıl bwrın «potomu çto potomu çto ministr» halıqqa tüsindire almağan zañ jobası bäribir jüzege asırıluda.

“The Qazaq Times”