Foto: sputniknews.kz

İşki ister ministrligi Qalmwhambet Qasımovtı otstavkağa jiberuge baylanıstı qoğam pikirine jauap berdi.

İşki ister ministriniñ orınbasarı Raşid Jaqıpov jurnalister aldında söylegen sözinde: «Ministrdiñ otstavkağa ketu mäselesi jayında aytatın bolsaq, sizder bwl mäseleniñ işki ister ministrliginiñ qwzıretinde emes ekenin tüsinedi dep senemin. Sondıqtan, men bwl swraqqa naqtı jauap bere almaymın. Ministrdiñ nelikten baspasöz mäslihatına kelmegendigin aytatın bolsaq, sebebi  ol qazir qızmettik issaparda jür» - dep mälimdedi.

Esteriñizge salayıq, şilde ayınıñ 19-ı küni mänerlep sırğanauşı Denis Tenge jasalğan şabuıldan keyin, qoğam belsendileri, sayasatkerler men jurnalister «İİM Qalmwhambet Qasımov otstavkağa ketsin» degen bastama kötergen. Biraq däl sol uaqıtta Qasımov mırza da, işki ister ministrligi de qoğam pikirine eşqanday jauap qatpağan.

Jalpı, Qalmwhambet Qasımov mırzanıñ halıq aldındağı bedeli Jañaözen oqiğasınan keyin kürt tömendegen. Sebebi ol Jañaözen oqiğası kezinde halıqqa qarsı oq atqan policiya qızmetkerleriniñ äreketine «tağı şıqsa, tağı atamız» degen bağa bergen.

“The Qazaq Times”