Bügin Almatı qalasında dempartiya müşeleri Jañaözendegi narazılıqqa şıqqandarğa qoldau bildirip alañğa şıqtı.

«Jañaözendi qoldaymız!», «Almatı şıq! Jañaözenmen birgemiz» dep wrandatqan Janbolattıñ jaqtastarı Abay köşesin boylap ortalıq alañğa bet aldı.

Dempartiya jetekşisi: «Respublika alañına şıqtıq. Bükil Respublika alañın Nazarbaevtıñ biligi üreyi qaşıp, qorqıp tügeldey jauıp, qorşap tastap otır. Avtokölikti tipti jayau jürginşilerdi de jürgizbeydi.  Öytkeni halıqtıñ orındı, Mañğıstaulıqtardıñ talabı dwrıs. Olar ädildik üşin, aqiqat üşin, şındıq üşin alañğa şığıp jatır.  Biz Jañaözende twrğan ağayınğa tolıq qoldauımızdı bildiremiz. Jañaözendegi ağayınnıñ köterip otırğan mäselesi dwrıs, orındı dep sanaymız. Jäne bilik solarmen, halıqpen dwrıs diyalog otırudı bastauı kerek! Büginnen qalmay eñ kemi premer ministr Jañaözenge baruı kerek! Halıqtıñ talabın tıñdauı kerek. Halıqtıñ mäselesine qwlaq asuı tiis! On jıl bwrınğıday qasiretti oqiğa Jañaözende qaytalanbauı tiis! Eşqanday halıqqa küş qoldanılmasın! Halıqqa qarsı oq atılmasın! Jañaözinde halıqqa küş qoldanıp, oq atlsa bükil Qazaqstan şığadı» dedi.

2 qañtardan bastap Jañaözen qalasınıñ twrğındarı birden eki esege ösip ketken gazdıñ bağasın 50 teñgege deyin tömendetudi talap etip alañğa şığıp, köşelerdi jauıp tastağan bolatın. Eldiñ är öñirlerinde Jañaözendegi narazı halıqtı qoldaytındarın bildirip jatqandarıñ sanı sät sanap artıp keledi. Al aşıq qoldauğa alañğa şıqqandardı küştik qwrlımdar küştep tarqatıp nemese aparıp qamap jatqanı aytıluda.