Aqtau qalası. 4 qañtarğa qarağan tün. Foto; Oñğar Qabdenniñ FB paraqşasınan.

Jañaözendegi narazılıq bügin üşinşi künge wlastı. Oblıs ortalığı Aqtau men Jañaözen qalasınıñ ortalıq alañdarında narazılıq kün-tün demey jalğasuda. Denmonstranttardıñ äuelgi talabı swyıltılğan gaz bağasına qatıstı bolğanımen, qazir körip otırğanımızday, narazılıq sayasi talaptardı da kötere bastadı. 

 

Äleumettik jelilerdiñ añısın añdar bolsañız, öñirlerdegi, resmpublikanıñ är tükpirindegi azamattardıñ basım köpşiligi Jañaözen men Aqtaudağı narazılıqtı qoldap otırğanın köruge boladı. Keşegi 3 qañtarda, jañaözendikterge qoldau körsetpek bolğan el ortalığı men Almatıdağı, Şımkent pen Aqtöbedegi belsendiler wstaldı, alañdarğa jiberilmey policiya bölimşelerine äketildi. Bwnıñ özi biliktiñ Mañıstau oblısında bastalğan narazılıq şarasınan qanşalıqtı üreylenip otırğanın körsetkendey boldı. Resmi bilik narazılıqtıñ twtas Respublikağa jayılıp ketuinen alañdaydı.

Säl ğana bwrın prezident Toqtaev öziniñ äleumettik paraqşasında eki birdey mälimdeme jasadı. Onıñ birinde narazılarğa "dialogqa dayın bol" dep nwsqasa, ekinşisinde ükimettik komissiyanıñ jwmısqa kiriskeni habarlanğan. YAğni, ükimettik komissiya Aqtauda jwmısqa kiriskeni, onıñ qwramında Prezident äkimşiliginiñ qızmetkerleri de bar ekeni aytılğan. Bwğan qosa: "Respublikalıq operativti ştab twraqtı negizde jwmıs istep jatır. Komissiyağa elimizdegi twraqtılıqtı saqtay otırıp, tuındağan mäsele boyınşa özara tiimdi şeşim şığaru jüktelgen", – degen prezident Qasım-Jomart Toqaev "Tvitter" paraqşasında.

Narazı topqa eskertu mağınasındağı aldınğı mälimdemesinde prezident: "Qwqıq qorğau organdarına qoğamdıq tärtiptiñ bwzıluına jol bermeu jöninde tapsırma berildi. Demonstranttar jauapkerşilik tanıtıp, dialogqa dayın boluı tiis", – delingen.

Foto: Berik Uälidiñ äleumettik jelidegi paraqşasınan.

 

Äleumettik jelilerde prezidenttiñ 3 qañtar tañğı 3:25-te jasağan mälimdemesi türli talqığa tüskeni bar. Keybiri, keybiri bwnday sın sağatta halqına qoğamdıq tärtipti aytıp "qorqıtqannan" köri, ükimettiñ dialogğa aşıqtığın tanıtuı kerek edi dese, keybiri "qoğamdıq tärtip" söziniñ mäni turalı talqılağan.

The Qazaq Times