(Jalğası. Bası mına siltemede)

Putindi bir körsem armanım joq

Osımen Qızıljardağı älem qazaq jastarınıñ futbolı turalı äñgime tämam. Endi müldem, basqa kep, müldem basqa äñgime aytuğa tura kelip otır.

Qızıljardan tañ ata taksige minip, Kökşetau qalasına bet aldım. Kökşetau - georafiyalıq twrğıda soltüstikte ornalasqanımen, Aqmola oblısına qarastı qala. Miday jazıq dalanıñ qaq ortasında Qwday-Tağala aspannan tastay salğanday äygili Kökşesi twr, twmsığın kökke şüyirip. Tösine közdiñ tamşısınday seksen köldi sıydırğan sol swlu ölkeniñ mañında (şamamen eki jüz şaqırım qaşıqtıqta) qazaq asa bir mañız berip, nazar audara qoymaytın tomağa-twyıq Atbasar degen qala bar. Sol qalağa barıp, bir küdikti jaydı anıqtap qaytu kerek boldı.

Biz Qızıljardağı jergilikti halıqpen söylesip, el men jer turalı äñgime swrastıra bastağanda talay qızıqtı jayttarğa tap boldıq. Onıñ bärin aytıp, uaqıt aludıñ qajeti joq şığar. Sonda da birin tilge tiek ete keteyin.

Bizge gid bolğan qızdıñ armanı - ömirde Putindi tiridey köru eken. Nege desek, "Erikti bolıp jürip, Nazarbaevtı däl qasınan kördim, endi Putinniñ Petropavlğa keluin kütip jürmin" deydi.

Özge eldiñ prezidentine degen essiz ıntıqtıq neniñ belgisi? Ärine, ideologiyada aqau bar degen söz.

Bir olqılıqtı aytqan soñ, jaqsılıqtı da wmıtpağan jön. Qızıljardağı är dükende alğan zatıña sol mezette çek wrılıp jatadı eken. Almatınıñ özinde däl mwnday zañdılıqtı, jauapkerşilikti köre bermeymiz.

Tizgin tartu

Qoş! Tizgindi bos qoya bersek, Qızıljardağı Abılaydıñ rezidenciyası, ölketanu mwrajayı, kitaphana men mektepter turalı wzaq tolğauğa tura keledi. Abılaydıñ ağaş üyiniñ tarihı, Bwqar jıraudıñ qoljazbası, Mağjannıñ jaynamazı turalı jeke-jeke maqala jazuğa bolar edi. Bizden keyin de Qızıljarğa baratındarğa birdeme qalsın dep, o taqırıptardı qauzamay-aq qoyudı dwrıs körip otırmız.

Jolay Qızıljardan qaytqan qazaq jastarınıñ än şığarğanı turalı habar jetti.

Tıñdap otırıp, jan-düniem borday ezilip sala berdi.

"Qimay baramın,

Miday dalanıñ

Tösine ätteñ,

Sıymay baramın!"...

Jigitter Qızıljardı ğana qimay bara jatqan şığar! Men mına aqparattan keyin öz keudeme özim sıymay bara jattım.

(Material avtordıñ ötinişimen ıqşamdaldı)

 

Qanat Birlikwlı

Almatı - Astana - Qızıljar - Astana - Almatı

Abai.kz

 

“The Qazaq Times”