Resey prezidenti Vladimir Putin Ispaniya korolımen telefon arqılı söylesti.

RIA Novosti aqparat agenttiginiñ habarlauınşa, Vladimir Putin älem çempionatınıñ 1/8 finalı ayasında kezdesken Resey jäne Ispaniya oyınınan keyin Ispaniya korolı VI Fillippen telefon arqılı söylesken. Onda ol Resey qwramasınıñ Ispaniyağa qarsı ötkizgen oyında wtımdı taktika wstanğandığın jäne Ispaniya oyınşılarınıñ joğarı deñgeyde öner körsetkendigin aytqan.

Öz kezeginde Ispaniya korolı VI Fillip Vladimir Putindi Resey wlttıq qwramasınıñ älem çempionatınıñ ¼ finalına şığuımen qwttıqtap, Resey qwramasına sättilik tilegen.

Esteriñizge salayıq, mausım ayınıñ 1-i küni älem çempionatınıñ 1/8 finalı ayasında Resey qwraması Ispaniyamen kezdesken. Kezdesu barısında qos qwrama negizgi uaqıtta 1-1 esebimen teñ tüsip, kezdesu oyın soñındağı penal'ti seriyasına jalğasqan. Nätijesinde Resey qwraması ispaniyalıqtardı 4-3 esebimen tize büktirip, älem çempionatınıñ ¼ finalına joldama alğan.

“The Qazaq Times”