رەسەي پرەزيدەنتى ۆلاديمير پۋتين.

رەسەي پرەزيدەنتى ۆلاديمير پۋتين يسپانيا كورولىمەن تەلەفون ارقىلى سويلەستى.

ريا نوۆوستي اقپارات اگەنتتىگىنىڭ حابارلاۋىنشا، ۆلاديمير پۋتين الەم چەمپيوناتىنىڭ 1/8 فينالى اياسىندا كەزدەسكەن رەسەي جانە يسپانيا ويىنىنان كەيىن يسپانيا كورولى VI فيلليپپەن تەلەفون ارقىلى سويلەسكەن. وندا ول رەسەي قۇراماسىنىڭ يسپانياعا قارسى وتكىزگەن ويىندا ۇتىمدى تاكتيكا ۇستانعاندىعىن جانە يسپانيا ويىنشىلارىنىڭ جوعارى دەڭگەيدە ونەر كورسەتكەندىگىن ايتقان.

ءوز كەزەگىندە يسپانيا كورولى VI فيلليپ ۆلاديمير ءپۋتيندى رەسەي ۇلتتىق قۇراماسىنىڭ الەم چەمپيوناتىنىڭ ¼ فينالىنا شىعۋىمەن قۇتتىقتاپ، رەسەي قۇراماسىنا ساتتىلىك تىلەگەن.

ەستەرىڭىزگە سالايىق، ماۋسىم ايىنىڭ 1-ءى كۇنى الەم چەمپيوناتىنىڭ 1/8 فينالى اياسىندا رەسەي قۇراماسى يسپانيامەن كەزدەسكەن. كەزدەسۋ بارىسىندا قوس قۇراما نەگىزگى ۋاقىتتا 1-1 ەسەبىمەن تەڭ ءتۇسىپ، كەزدەسۋ ويىن سوڭىنداعى پەنالتي سەرياسىنا جالعاسقان. ناتيجەسىندە رەسەي قۇراماسى يسپانيالىقتاردى 4-3 ەسەبىمەن تىزە بۇكتىرىپ، الەم چەمپيوناتىنىڭ ¼ فينالىنا جولداما العان.

“The Qazaq Times”