Senat törağası Qasım-Jomart Toqaev.

Senat törağası Qasım-Jomart Toqaev: «Prezidenttikke Nazarbaevtan özge kandidat joq» – dep mälimdedi.

Azattıq radiosınıñ habarlauınşa, bügin Senat törağası jurnalister aldında VVS telearnasınıñ «Hard Talk» bağdarlamasına bergen swhbatına baylanıstı tüsinikteme bergen. Onda ol BAQ ökilderniñ: «Qazir Qazaqstanda Nwrswltan Nazarbaevtı almastıra alatın layıqtı adam bar ma?» - degen swrağına: «Bwl meniñ swrağım emes. Bwl mülde basqa swraq. Men öz sözime jauap beremin. Men Qazaqstanda halıqaralıq arenada bedeli joğarı elbası barın ayttım. Onıñ halıq tolıqtay qoldaydı. Sondıqtan swhbatta aytılğandardan drama jasaudıñ qajeti joq» - dep mälimdegen.

Esteriñizge salayıq, mausım ayınıñ 20-ı küni Qasım-Jomart Toqaevtıñ VVS telearnasınıñ «Hard Talk» bağdarlamasına bergen swhbatı VVS News jäne VVS radiosına şıqqan bolatın. Onda Senat törağası bağdarlama jürgizuşisi Stiven Sakurdıñ: «Eger meniñ matematikalıq esebim dwrıs bolsa, 2020 jılı Nazarbaev 80 jasqatoladı ğoy?» degen swrağına: «Iä, Iä. Malayziyada 92 jasqa tolğan Mahathir Mohamad prem'er-ministr boldı ğoy. Aşığın aytqanda, 2020 jılı Nazarbaev prezident saylauına tüsedi dep oylamaymın. Ol öte aqıldı adam. Mümkin 2020 jılğı saylau basqa kandidattarmen öter. Saylauğa tüsedi dep oylamaymın. Bwl - meniñ jeke oyım. Ärine bäri Nazarbaevtıñ özine baylanıstı» - dep jauap bergen.

“The Qazaq Times”