سەنات توراعاسى قاسىم-جومارت توقاەۆ.

سەنات توراعاسى قاسىم-جومارت توقاەۆ: «پرەزيدەنتتىككە نازارباەۆتان وزگە كانديدات جوق» – دەپ مالىمدەدى.

ازاتتىق راديوسىنىڭ حابارلاۋىنشا، بۇگىن سەنات توراعاسى جۋرناليستەر الدىندا ۆۆس تەلەارناسىنىڭ «Hard Talk» باعدارلاماسىنا بەرگەن سۇحباتىنا بايلانىستى تۇسىنىكتەمە بەرگەن. وندا ول باق وكىلدەرنىڭ: «قازىر قازاقستاندا نۇرسۇلتان نازارباەۆتى الماستىرا الاتىن لايىقتى ادام بار ما؟» - دەگەن سۇراعىنا: «بۇل مەنىڭ سۇراعىم ەمەس. بۇل مۇلدە باسقا سۇراق. مەن ءوز سوزىمە جاۋاپ بەرەمىن. مەن قازاقستاندا حالىقارالىق ارەنادا بەدەلى جوعارى ەلباسى بارىن ايتتىم. ونىڭ حالىق تولىقتاي قولدايدى. سوندىقتان سۇحباتتا ايتىلعانداردان دراما جاساۋدىڭ قاجەتى جوق» - دەپ مالىمدەگەن.

ەستەرىڭىزگە سالايىق، ماۋسىم ايىنىڭ 20-ى كۇنى قاسىم-جومارت توقاەۆتىڭ ۆۆس تەلەارناسىنىڭ «Hard Talk» باعدارلاماسىنا بەرگەن سۇحباتى ۆۆس News جانە ۆۆس راديوسىنا شىققان بولاتىن. وندا سەنات توراعاسى باعدارلاما جۇرگىزۋشىسى ستيۆەن ساكۋردىڭ: «ەگەر مەنىڭ ماتەماتيكالىق ەسەبىم دۇرىس بولسا، 2020 جىلى نازارباەۆ 80 جاسقاتولادى عوي؟» دەگەن سۇراعىنا: «ءيا، ءيا. مالايزيادا 92 جاسقا تولعان ماحاتحير موحاماد پرەمەر-مينيستر بولدى عوي. اشىعىن ايتقاندا، 2020 جىلى نازارباەۆ پرەزيدەنت سايلاۋىنا تۇسەدى دەپ ويلامايمىن. ول وتە اقىلدى ادام. مۇمكىن 2020 جىلعى سايلاۋ باسقا كانديداتتارمەن وتەر. سايلاۋعا تۇسەدى دەپ ويلامايمىن. بۇل - مەنىڭ جەكە ويىم. ارينە ءبارى نازارباەۆتىڭ وزىنە بايلانىستى» - دەپ جاۋاپ بەرگەن.

“The Qazaq Times”