Izrail' ükimeti indoneziyalıq turister men qajılardıñ eline keluine tıyım saldı. Äri bwl şeşim Indoneziyanıñ Izrail' azamattarınıñ eline keluin şekteu şarasına bergen jauabı ekenin alğa tarttı. Bwl turalı VOA aqparattıq saytı habarlağan bolatın.

Jıl sayın Indoneziyadan on mıñdağan turister men qajılar Tayau-Şığısqa ağıladı. Izrail'degi äl-Aqsa meşiti Indoneziya mwsılmandarı köptep keletin orınnıñ biri.

Degenmen, Indoneziya ükimet tarauları evrey eliniñ indoneziyalıqtarğa viza berudi toqtatqanın rastamadı. Onıñ üstine eki elde resmi diplomatiyalıq qarım-qatınas bwğan deyin de bolmağan.

Osıdan bwrın Indoneziya tarabı Izrail'diñ palestinalıq bwqarağa qarsı küş qoldanğanına narazılıq bildirgen. Mamırdıñ bas şeninde, Jakartadağı (Djakarta)  demonstranttar AQŞ elşiliginiñ aldında Izrail' tuın örtep, Qwrama Ştattıñ Izrail' jerindegi elşiligin Ierusalimge köşiruine narazılıq bildirgen edi.

Izrail' men älemde mwsılmandar eñ köp twratın el sanalatın Indoneziya arasındağı qarım-qatınas naşarlay tüsti. Alayda, eki el arasındağı sauda baylanısınıñ artuına oray, evrey prezidenti Ben'yamin Netan'yahu eki el arasında diplomatiyalıq baylanıs ornatudı wsınğan.

“The Qazaq Times”