جاكارتادا نارازى توپ ەۆرەي مەملەكەتىنىڭ تۋىن ورتەدى. فوتو: VOA.

يزرايل ۇكىمەتى يندونەزيالىق تۋريستەر مەن قاجىلاردىڭ ەلىنە كەلۋىنە تىيىم سالدى. ءارى بۇل شەشىم يندونەزيانىڭ يزرايل ازاماتتارىنىڭ ەلىنە كەلۋىن شەكتەۋ شاراسىنا بەرگەن جاۋابى ەكەنىن العا تارتتى. بۇل تۋرالى VOA اقپاراتتىق سايتى حابارلاعان بولاتىن.

جىل سايىن يندونەزيادان ون مىڭداعان تۋريستەر مەن قاجىلار تاياۋ-شىعىسقا اعىلادى. يزرايلدەگى ءال-اقسا مەشىتى يندونەزيا مۇسىلماندارى كوپتەپ كەلەتىن ورىننىڭ ءبىرى.

دەگەنمەن، يندونەزيا ۇكىمەت تاراۋلارى ەۆرەي ەلىنىڭ يندونەزيالىقتارعا ۆيزا بەرۋدى توقتاتقانىن راستامادى. ونىڭ ۇستىنە ەكى ەلدە رەسمي ديپلوماتيالىق قارىم-قاتىناس بۇعان دەيىن دە بولماعان.

وسىدان بۇرىن يندونەزيا تارابى ءيزرايلدىڭ پالەستينالىق بۇقاراعا قارسى كۇش قولدانعانىنا نارازىلىق بىلدىرگەن. مامىردىڭ باس شەنىندە، جاكارتاداعى (دجاكارتا)  دەمونسترانتتار اقش ەلشىلىگىنىڭ الدىندا يزرايل تۋىن ورتەپ، قۇراما شتاتتىڭ يزرايل جەرىندەگى ەلشىلىگىن يەرۋساليمگە كوشىرۋىنە نارازىلىق بىلدىرگەن ەدى.

يزرايل مەن الەمدە مۇسىلماندار ەڭ كوپ تۇراتىن ەل سانالاتىن يندونەزيا اراسىنداعى قارىم-قاتىناس ناشارلاي ءتۇستى. الايدا، ەكى ەل اراسىنداعى ساۋدا بايلانىسىنىڭ ارتۋىنا وراي، ەۆرەي پرەزيدەنتى بەنيامين نەتانياحۋ ەكى ەل اراسىندا ديپلوماتيالىق بايلانىس ورناتۋدى ۇسىنعان.

“The Qazaq Times”