Vakcina öndirisiniñ zerthanasında. Körneki suret. Foto: USAID Central Asia

Pandemiya bastalğalı AQŞ Qazaqstanğa  jalpı jiını 6,8 mln dollar qarjı kömek körsetti.

AQŞ elşiligi amertikalıq iri derjavanıñ COVID-19 indetine qarsı küreste Qazaqstanğa kömek retinde qosımşa 2,4 mln dollar böletinin habarladı.

Qarajat vakcinanı ülestiruge, dezinformaciyağa qarsı küresti küşeytuge jäne türli ştamnıñ genderine sekvenirleu taldauın jürgizetin  zerthanalıq jüyelerdi nığaytuğa jwmsalatın boladı.

 «Derttiñ şekara bolmaydı. AQŞ Qazaqstanmen pandemiyanı toqtatıp qana qoymay, onıñ äleumettik jäne ekonomikalıq salalardağı tereñ saldarın joyuğa jäne alda kez kelgen indetke saqaday say bolatın älemdi qalpına keltiruge, osı maqsattar jolında seriktestikti nığayta tüsuge dayın», – delingen elşilik habarlamasında.

Osığan deyin AQŞ-tıñ Halıqaralıq damu agenttigi (USAID) qazaqstandıq 5 mıñnan asa medicina qızmetkerin koronavirus jaylı biliktilik kursında oqıtqan.

Biıl AQŞ missiyası Qazaqstanmen iskerlik qatınasınıñ 30 jıldığın atap ötedi. Amerika qwrama ştattarı Qazaqstanğa 2 mlrd dollar investiciyaladı, onıñ işinde 92,8 mln dollardan astam qarjı tuberkulez ben JQTB-nıñ aldın alu jäne emdeu salasındağı bağdarlamalardı qoldauğa jwmsaldı.

The Qazaq Times