Ukraina prezidenti Volodimir Zelenskiy G20 sammitine şaqıru alğanın mälimdedi. Eleuli halıqaralıq sammitke onı Indoneziya prezidenti Joko Vidodo şaqırğan.
Älemniñ aldınğı 20 ekonomikasına ie elderdiñ sammiti biil Indoneziyada ötedi. Zelenskiy öziniñ äleumettik jelidegi paraqşasında prezident Vidodomen telefon arqılı söyleskenin mälimdedi, äri atalmış sammitke qatısuğa şaqıru alğanın ayttı.
"Tvitter" paraqşasındağı mälimdemesinde Zelenskiy: "Eñ äueli men oğan [prezident Vidodoğa. QT] BWW-dağı aşıq wstanımı üşin jäne Ukrainanıñ egemendigi men aumaqtıq twtastığın qoldağanı üşin rahmet ayttım. Meni G20 sammitine qatısuğa şaqırğanı üşin alğısımdı bildiremin ", – degen.
Mälimdemede Ukraina men Indoneziya prezidentteri telefondağı äñgimesinde azıq-tülik qauipsizdigin talqılağan.
Ayta keteyik, Resey Ukrainağa basıp kirgennen keyin älemdegi birqatar elder azıq-tülik mäselesinde qiınşılıqtarğa tap boldı. Äsirese, dändi daqıldar boyınşa Resey men Ukrainanıñ eksportına täueldi elder soğıstıñ wzaqqa sozıluı öz elindegi azıq-tülik qauipsizdigine qater töndire me dep alañdaydı. Onıñ arasında Oñtüstik-Şığıs Aziya elderi de bar.
Iran äskeri elitasınıñ joyıluı: soğıstıñ jaña kezeñi
Hameneiden keyingi Iran: bilik tranziti men soğıs köleñkesindegi el
Irandağı soğıs örti: geosayasi dağdarıstıñ jaña kezeñi
Respublikaşıldar immigraciyalıq operaciyanı sınğa aldı, biraq Tramptı aşıq ayıptaudan tartındı
Irannıñ ruhani kösemi: soñğı narazılıqtar kezinde mıñdağan adam qaza taptı
Irandağı qantögis pen sırtqı qısım: Tramptıñ ekiwştı signalı