Foto: centralasian.org

Qazaqstan Sırtqı ister ministrligi reseylik äriptesterine mälimdeme joldap, reseylik deputattıñ "dünie jüzindegi orıstardı, sonıñ işinde Qazaqstanda twratın otandastarın qorğau" jönindegi mälimdemesine alañdaytının bildirdi. Bwl turalı «Ortalıq Aziya habar» qızmeti jazadı.

Bwnday mälimdemeni Memlekettik dumanıñ TMD isteri jönindegi komitetiniñ müşesi Pavel Şperov 26 qañtarda Memlekettik dumadağı döñgelek üstel otırısında aytqan.

1 aqpanda Qazaqstannıñ sırtqı ister ministriniñ birinşi orınbasarı Mwhtar Tileuberdin men onıñ reseylik äriptesi Grigoriy Karasin telefon arqılı söyleskeni habarlandı. Qazaqstan SİM mälimdemesi boyınşa, qazaq-orıs qarım-qatınası dostastıq jäne odaqtastıq kelisim, eki el arasındadı memlekettik şekaralar turalı kelisim negizinde damitıtın atap ötti.

"Deputattıñ (Şperovtıñ) mälimdemesinde onıñ Qazaqstanğa territoriyalıq talabı turalı da aytıldı. Reseylik tarap Qazaqstannıñ SİM mälimdemesin dwrıs qabıldağanın ayttı", - delingen ministrlik taratqan mälimdemede.

Reseylik «Interfaks» aqparat agenttigi Memlekettik dumanıñ halıqaralıq ister jönindeşi komitet basşısı Leonid Sluckiydiñ mälimdemesin tarattı. Sluckiy "Mäskeude Qazaqstan jerlerin Resey baqılauına qaytaru turalı mäsele eşqaşan köterilgen emes" degen.

“The Qazaq Times”