IIW-nıñ kezekti sammiti. Foto: Sputnik.

Ötken senbi küni Stambulda bolğan Islam Intımaqtastıq Wyımınıñ sammitinde qortındı deklaraciya jariyalanıp, Palestina halqın halıqaralıq deñgeyde qorğau jöninde ündeu tastaldı. Sonımen birge Palestina jerinde bolğan qırğınşılıqtıñ bastı ayıpkeri retinde Izrail'di qatañ sınğa aldı. Bwl turalı «Anadolı» aqparattıq agenttigi habarladı.

Sammitte Izrail' küşteriniñ palestinalıqtarğa jasağan şabuıldarın, soğıs qılmıstarın tekserip anıqtayın täuelsiz halıqaralıq komitet qwru turalı şeşim qabıldandı. Bwl komitet Izrail' küşterin jazalau şaraların da şığaruğa qabiletti bolmaq. Bastı mindeti Izrail'diñ palestinalıqtarğa küş qoldanğanı turalı dälelderdi halıqaralıq qauımdastıqqa jetkizip otırmaq.

Sonımen qatar, IIW sammitinde palestinalıqtardı qorğau maqsatında halıqaralıq birikken qarulı küşti Palestinağa jiberu turalı wsınıs jasaldı. Mäseleni BWW-nıñ Joğarı keñesine, Qauipsizdik keñesine, Adam qwqıqtarı jönindegi keñesiniñ kün tärtibine engizu kerek ekeni aytıldı.

Qauipsizdik keñeske Palestina mäselesin tez arada retke saludı wsınğan sammitte, AQŞ prezidentiniñ Ierusalim turalı şeşimi qabıldanbaytının qaytaladı.

“The Qazaq Times”