يسلام ىنتىماقتاستىق ۇيىمى پالەستينالىقتاردى قورعاۋ ءۇشىن كۇش قولدانۋعا ۇندەدى

وتكەن سەنبى كۇنى ستامبۋلدا بولعان يسلام ىنتىماقتاستىق ۇيىمىنىڭ سامميتىندە قورتىندى دەكلاراتسيا جاريالانىپ، پالەستينا حالقىن حالىقارالىق دەڭگەيدە قورعاۋ جونىندە ۇندەۋ تاستالدى. سونىمەن بىرگە پالەستينا جەرىندە بولعان قىرعىنشىلىقتىڭ باستى ايىپكەرى رەتىندە ءيزرايلدى قاتاڭ سىنعا الدى. بۇل تۋرالى «انادولى» اقپاراتتىق اگەنتتىگى حابارلادى.

سامميتتە يزرايل كۇشتەرىنىڭ پالەستينالىقتارعا جاساعان شابۋىلدارىن، سوعىس قىلمىستارىن تەكسەرىپ انىقتايىن تاۋەلسىز حالىقارالىق كوميتەت قۇرۋ تۋرالى شەشىم قابىلداندى. بۇل كوميتەت يزرايل كۇشتەرىن جازالاۋ شارالارىن دا شىعارۋعا قابىلەتتى بولماق. باستى مىندەتى ءيزرايلدىڭ پالەستينالىقتارعا كۇش قولدانعانى تۋرالى دالەلدەردى حالىقارالىق قاۋىمداستىققا جەتكىزىپ وتىرماق.

سونىمەن قاتار، يىۇ سامميتىندە پالەستينالىقتاردى قورعاۋ ماقساتىندا حالىقارالىق بىرىككەن قارۋلى كۇشتى پالەستيناعا جىبەرۋ تۋرالى ۇسىنىس جاسالدى. ماسەلەنى بۇۇ-نىڭ جوعارى كەڭەسىنە، قاۋىپسىزدىك كەڭەسىنە، ادام قۇقىقتارى جونىندەگى كەڭەسىنىڭ كۇن تارتىبىنە ەنگىزۋ كەرەك ەكەنى ايتىلدى.

قاۋىپسىزدىك كەڭەسكە پالەستينا ماسەلەسىن تەز ارادا رەتكە سالۋدى ۇسىنعان سامميتتە، اقش پرەزيدەنتىنىڭ يەرۋساليم تۋرالى شەشىمى قابىلدانبايتىنىن قايتالادى.

“The Qazaq Times”