Tolqın Aqanwlınıñ şığarmaşılıq keşi.

19 mamır küni, Astana qalasındağı Kongress-Holl sarayında aqın Tolqın Aqanwlınıñ «Ümit sıylağım keledi» attı jır jinağınıñ twsau keseri jäne şığarmaşılıq keşi ötti. Aqın şığarmaşılıq keşin Astana qalasınıñ 20 jıldıq merey toyına tartu retinde ötkizip otır.  

Tolqın Aqanwlınıñ "Ümit sıylağım keledi" attı kitabınıñ twsau keseri ötti. Foto: QT.

Atalğan kitaptıñ twsauın Memlekettik sıylıqtıñ iegeri, aqın Nesipbek Aytwlı men memleket jäne qoğam qayratkeri Baltaş Twrsımbaev kesti. Oqırmanğa jol tartqan jır jinaqta aqın Tolqın Aqanwlınıñ däuir men qoğam ayşığı, adam bolmısı, wlt tağdırı qatarlı taqırıptardı qamtığan öleñderi, tolğauları, än sözderi jinaqtalğan.

Memlekettik sıylıqtıñ iegeri, aqın Nesipbek Aytwlı kitaptıñ twsauın kesti.

Kitaptıñ twsau keseri Tolqın Aqanwlınıñ şığarmaşılığınan Astana qalasınıñ 20 jıldıq merey toyına şaşu retindegi koncertke wlastı. "Berekeli qazaq eli" attı koncertte, Tolqın Aqanwlınıñ öleñine jazılğan änder men sazgerliginen tuğan än-tolğaulardı tanımal öner jwldızdarınıñ orındauında körermenderge wsınıldı.

Şığarmaşılıq keş.

Atalğan dabıralı şaralar aqınnıñ 50 jıldıq merey toyına oray ötip otır. Tolqın Aqanwlı ädebiet pen önerde ğana emes, medicina men käsipkerlik salasında da eñbek etip, körnekti tabıstardı enşilegen.

“The Qazaq Times”