تولقىن اقانۇلى استانانىڭ 20 جىلدىعىنا تارتۋ رەتىندە شىعارماشىلىق كەش بەردى

19 مامىر كۇنى، استانا قالاسىنداعى كونگرەسس-حولل سارايىندا اقىن تولقىن اقانۇلىنىڭ «ءۇمىت سىيلاعىم كەلەدى» اتتى جىر جيناعىنىڭ تۇساۋ كەسەرى جانە شىعارماشىلىق كەشى ءوتتى. اقىن شىعارماشىلىق كەشىن استانا قالاسىنىڭ 20 جىلدىق مەرەي تويىنا تارتۋ رەتىندە وتكىزىپ وتىر.  

تولقىن اقانۇلىنىڭ ء"ۇمىت سىيلاعىم كەلەدى" اتتى كىتابىنىڭ تۇساۋ كەسەرى ءوتتى. فوتو: QT.

اتالعان كىتاپتىڭ تۇساۋىن مەملەكەتتىك سىيلىقتىڭ يەگەرى، اقىن نەسىپبەك ايتۇلى مەن مەملەكەت جانە قوعام قايراتكەرى بالتاش تۇرسىمباەۆ كەستى. وقىرمانعا جول تارتقان جىر جيناقتا اقىن تولقىن اقانۇلىنىڭ ءداۋىر مەن قوعام ايشىعى، ادام بولمىسى، ۇلت تاعدىرى قاتارلى تاقىرىپتاردى قامتىعان ولەڭدەرى، تولعاۋلارى، ءان سوزدەرى جيناقتالعان.

مەملەكەتتىك سىيلىقتىڭ يەگەرى، اقىن نەسىپبەك ايتۇلى كىتاپتىڭ تۇساۋىن كەستى.

كىتاپتىڭ تۇساۋ كەسەرى تولقىن اقانۇلىنىڭ شىعارماشىلىعىنان استانا قالاسىنىڭ 20 جىلدىق مەرەي تويىنا شاشۋ رەتىندەگى كونتسەرتكە ۇلاستى. "بەرەكەلى قازاق ەلى" اتتى كونتسەرتتە، تولقىن اقانۇلىنىڭ ولەڭىنە جازىلعان اندەر مەن سازگەرلىگىنەن تۋعان ءان-تولعاۋلاردى تانىمال ونەر جۇلدىزدارىنىڭ ورىنداۋىندا كورەرمەندەرگە ۇسىنىلدى.

شىعارماشىلىق كەش.

اتالعان دابىرالى شارالار اقىننىڭ 50 جىلدىق مەرەي تويىنا وراي ءوتىپ وتىر. تولقىن اقانۇلى ادەبيەت پەن ونەردە عانا ەمەس، مەديتسينا مەن كاسىپكەرلىك سالاسىندا دا ەڭبەك ەتىپ، كورنەكتى تابىستاردى ەنشىلەگەن.

“The Qazaq Times”