Foto: kazinform

Qazaqstanğa törtinşi altın äkelgen – YUliya Galışeva

Fristayl mogul atalatın sport türinen äyelder arasındağı sayısında qazaqstandıq  YUliya Galışeva altın jülde ielendi. Ol bügingi sayıs barısında biliktiliginiñ arqasında birden finalğa ötkizilgen.

Foto: People.cn

73,80 wpamen  top jarğan Galışeva bastapqı irikteude 67,06 wpay jinağan bolatın. Bwl düniejüzilik 28-qısqı Universiadanıñ kümis medalin  reseylik fristaylşı Anastasiya Pervuşina  62,13 wpaymen ielense, üşinşi orın 52,05 wpay jinağan avstriyalıq Katarina Ramsauerdıñ enşisine bwyırdı.

Eline besinşi altındı sıylağan – Dmitriy Reyhard

28-şi düniejüzilik qısqı Universiada oyındarında, fristayl mogul sport türinen erler arasındağı jarısta otandasımız Dmitriy Reyhard altın medal' jeñip aldı. Bwl turalı sportportal.kz habarlaydı.

Foto: zombio.com

Dmitriy Reyhard jarıstıñ finaldıq kezeñinde 79,94 wpay jinap elimizdiñ qorjınına besinşi altındı saldı. Ekinşi orındı reseylik sportşı Sergey Şimbuev aldı. Onıñ wpay sanı – 79,11. Bwl sayıstıñ qola jüldesi   qazaqstandıq Pavel Kolmakovqa bwyırdı. Pavel 76,95 wpay jinağan.

Foto: almaty2017.com

Sonımen qatar, erler arasındağı 10 kilometr sprintte biatlonşımız Roman Eremin  «qola» jüldege ie boldı. Onıñ nätijelik körsetkişi – 27 minut 24,6 sekund. Alğaşqı eki orındı ielengen reseylik sportşılar Semen Suçilov (27:02,3) pen Dmitriy Ivanov (27:24,1).

Sonımen, Qazaqstan qorjınında 6 qola, 2 kümis jäne 5 altın medal' bar.

“The Qazaq Times”