قازاقستانعا ءتورتىنشى التىن اكەلگەن – يۋليا گالىشەۆا
فريستايل موگۋل اتالاتىن سپورت تۇرىنەن ايەلدەر اراسىنداعى سايىسىندا قازاقستاندىق يۋليا گالىشەۆا التىن جۇلدە يەلەندى. ول بۇگىنگى سايىس بارىسىندا بىلىكتىلىگىنىڭ ارقاسىندا بىردەن فينالعا وتكىزىلگەن.
فوتو: People.cn
73,80 ۇپامەن توپ جارعان گالىشەۆا باستاپقى ىرىكتەۋدە 67,06 ۇپاي جيناعان بولاتىن. بۇل دۇنيەجۇزىلىك 28-قىسقى ۋنيۆەرسيادانىڭ كۇمىس مەدالىن رەسەيلىك فريستايلشى اناستاسيا پەرۆۋشينا 62,13 ۇپايمەن يەلەنسە، ءۇشىنشى ورىن 52,05 ۇپاي جيناعان اۆستريالىق كاتارينا رامساۋەردىڭ ەنشىسىنە بۇيىردى.
ەلىنە بەسىنشى التىندى سىيلاعان – دميتري رەيحارد
28-ءشى دۇنيەجۇزىلىك قىسقى ۋنيۆەرسيادا ويىندارىندا، فريستايل موگۋل سپورت تۇرىنەن ەرلەر اراسىنداعى جارىستا وتانداسىمىز دميتري رەيحارد التىن مەدال جەڭىپ الدى. بۇل تۋرالى sportportal.kz حابارلايدى.
فوتو: zombio.com
دميتري رەيحارد جارىستىڭ فينالدىق كەزەڭىندە 79,94 ۇپاي جيناپ ەلىمىزدىڭ قورجىنىنا بەسىنشى التىندى سالدى. ەكىنشى ورىندى رەسەيلىك سپورتشى سەرگەي شيمبۋەۆ الدى. ونىڭ ۇپاي سانى – 79,11. بۇل سايىستىڭ قولا جۇلدەسى قازاقستاندىق پاۆەل كولماكوۆقا بۇيىردى. پاۆەل 76,95 ۇپاي جيناعان.
فوتو: almaty2017.com
سونىمەن قاتار، ەرلەر اراسىنداعى 10 كيلومەتر سپرينتتە بياتلونشىمىز رومان ەرەمين «قولا» جۇلدەگە يە بولدى. ونىڭ ناتيجەلىك كورسەتكىشى – 27 مينۋت 24,6 سەكۋند. العاشقى ەكى ورىندى يەلەنگەن رەسەيلىك سپورتشىلار سەمەن سۋچيلوۆ (27:02,3) پەن دميتري يۆانوۆ (27:24,1).
سونىمەن، قازاقستان قورجىنىندا 6 قولا، 2 كۇمىس جانە 5 التىن مەدال بار.
“The Qazaq Times”
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى
وزبەكستان پرەزيدەنتى جەلتوقساندا قىرعىزستانعا بارادى