Фото: kazinform

Қазақстанға төртінші алтын әкелген – Юлия Галышева

Фристайл могул аталатын спорт түрінен әйелдер арасындағы сайысында қазақстандық  Юлия Галышева алтын жүлде иеленді. Ол бүгінгі сайыс барысында біліктілігінің арқасында бірден финалға өткізілген.

Фото: People.cn

73,80 ұпамен  топ жарған Галышева бастапқы іріктеуде 67,06 ұпай жинаған болатын. Бұл дүниежүзілік 28-қысқы Универсиаданың күміс медалін  ресейлік фристайлшы Анастасия Первушина  62,13 ұпаймен иеленсе, үшінші орын 52,05 ұпай жинаған австриялық Катарина Рамсауердың еншісіне бұйырды.

Еліне бесінші алтынды сыйлаған – Дмитрий Рейхард

28-ші дүниежүзілік қысқы Универсиада ойындарында, фристайл могул спорт түрінен ерлер арасындағы жарыста отандасымыз Дмитрий Рейхард алтын медаль жеңіп алды. Бұл туралы sportportal.kz хабарлайды.

Фото: zombio.com

Дмитрий Рейхард жарыстың финалдық кезеңінде 79,94 ұпай жинап еліміздің қоржынына бесінші алтынды салды. Екінші орынды ресейлік спортшы Сергей Шимбуев алды. Оның ұпай саны – 79,11. Бұл сайыстың қола жүлдесі   қазақстандық Павел Колмаковқа бұйырды. Павел 76,95 ұпай жинаған.

Фото: almaty2017.com

Сонымен қатар, ерлер арасындағы 10 километр спринтте биатлоншымыз Роман Еремин  «қола» жүлдеге ие болды. Оның нәтижелік көрсеткіші – 27 минут 24,6 секунд. Алғашқы екі орынды иеленген ресейлік спортшылар Семен Сучилов (27:02,3) пен Дмитрий Иванов (27:24,1).

Сонымен, Қазақстан қоржынында 6 қола, 2 күміс және 5 алтын медаль бар.

“The Qazaq Times”