Foto: Oblıs äkiminiñ baspasöz qızmetinen alındı

Bügin oblıs äkimi J.Tüymebaev  Almatı qalasında ötip jatqan 28-şi Bükilälemdik qısqı Universiadanıñ jeñimpazdarı men jüldegerlerin qabıldadı. Bwl turalı OQO äkiminiñ baspasöz qızmeti habarladı.

Bayraqtı bäsekede el namısın qorğap, Universiada oyındarındarında jetken jetistikteri üşin äkim  alğısın bildirip, ıstıq ıqılasın jetkizdi. Sonımen qosa, alğıs hatpen marapattap, qarjılay sıylıq tabıs etti.

«Universiada Qazaqstan Respublikasınıñ wlttıq jobası jäne elimizdiñ  25 jıldıq tarihındağı eñ iri mul'tisporttıq is-şarasına  bağalanıp otır. Bwl tarihi jeñiske bükil qazaq eli men Elbasımız jäne üş millionğa juıq twrğını bar oñtüstik jwrtı da erekşe  quanışqa bölendi. Sportşılarımızdıñ arqasında, joğarı deñgeydegi Älemdik bayraqtı bäsekede  elimizdiñ kök bayrağı jelbiredi.Sizder bizdiñ jigerli küres pen asqaq jeñisterge tolı Wlttıq Ruhımızdı paş ettiñizder. Sizderdiñ jeñisteriñiz  sporttı damıtuğa barlıq jağdaydı jasağan Elbasımız Nwrswltan Äbişwlı Nazarbaevtıñ sport salasına degen qamqorlığınıñ jäne qoldauınıñ jarqın däleli»,-dedi aymaq basşısı.

Almatı qalasında bastau alğan jarıstıñ birinşi  küni el qorjınına fristayl sportınıñ akrobatika täsilimen sekiruden jerlesterimiz Jibek Arapbaeva kümis medal' wtıp alsa,  Janbota Aldabergenova qola medalge qol jetkizip, el qwramasın komandalıq esepte törtinşi orınğa şığardı. Al, 31 qañtar küni, J.Aldabergenova men Bağlan İñkärbek komandalıq sayısta altın medalğa  qol jetkizdi.

Äkim jäne jüldegerler

Jerlesterimizdiñ Universiada törinde jasağan ülken erlikteri üşin İ orın alğan sportşılarımızğa üş million teñge, İİ jäne İİİ orın alğan sportşılarımızğa eki million teñge, al jattıqtıruşı Mwrat Ablyatifovqa 2 million teñge köleminde qarjılay sıylıq berildi.

Öz kezeginde sportşılarımız aldağı Olimpiada oyındarında da joğarı körsetkişke qol jetkizip, elimizdiñ kök bayrağın jelbiretetinderine senim bildirdi. Sonımen qatar, sporttıq dodada qoldau körsetip, şınayı janküyer bola bilgen barşa qazaqstandıqtar men Oñtüstik jwrtına  şınayı alğıstarın jetkizdi.

 «The Qazaq Times»