فوتو: وبلىس اكىمىنىڭ ءباسپاسوز قىزمەتىنەن الىندى

بۇگىن وبلىس اكىمى ج.تۇيمەباەۆ  الماتى قالاسىندا ءوتىپ جاتقان 28-ءشى بۇكىلالەمدىك قىسقى ۋنيۆەرسيادانىڭ جەڭىمپازدارى مەن جۇلدەگەرلەرىن قابىلدادى. بۇل تۋرالى وقو اكىمىنىڭ ءباسپاسوز قىزمەتى حابارلادى.

بايراقتى باسەكەدە ەل نامىسىن قورعاپ، ۋنيۆەرسيادا ويىندارىندارىندا جەتكەن جەتىستىكتەرى ءۇشىن اكىم  العىسىن ءبىلدىرىپ، ىستىق ىقىلاسىن جەتكىزدى. سونىمەن قوسا، العىس حاتپەن ماراپاتتاپ، قارجىلاي سىيلىق تابىس ەتتى.

«ۋنيۆەرسيادا قازاقستان رەسپۋبليكاسىنىڭ ۇلتتىق جوباسى جانە ەلىمىزدىڭ  25 جىلدىق تاريحىنداعى ەڭ ءىرى مۋلتيسپورتتىق ءىس-شاراسىنا  باعالانىپ وتىر. بۇل تاريحي جەڭىسكە بۇكىل قازاق ەلى مەن ەلباسىمىز جانە ءۇش ميلليونعا جۋىق تۇرعىنى بار وڭتۇستىك جۇرتى دا ەرەكشە  قۋانىشقا بولەندى. سپورتشىلارىمىزدىڭ ارقاسىندا، جوعارى دەڭگەيدەگى الەمدىك بايراقتى باسەكەدە  ەلىمىزدىڭ كوك بايراعى جەلبىرەدى.سىزدەر ءبىزدىڭ جىگەرلى كۇرەس پەن اسقاق جەڭىستەرگە تولى ۇلتتىق رۋحىمىزدى پاش ەتتىڭىزدەر. سىزدەردىڭ جەڭىستەرىڭىز  سپورتتى دامىتۋعا بارلىق جاعدايدى جاساعان ەلباسىمىز نۇرسۇلتان ءابىشۇلى نازارباەۆتىڭ سپورت سالاسىنا دەگەن قامقورلىعىنىڭ جانە قولداۋىنىڭ جارقىن دالەلى»،-دەدى ايماق باسشىسى.

الماتى قالاسىندا باستاۋ العان جارىستىڭ ءبىرىنشى  كۇنى ەل قورجىنىنا فريستايل سپورتىنىڭ اكروباتيكا تاسىلىمەن سەكىرۋدەن جەرلەستەرىمىز جىبەك اراپباەۆا كۇمىس مەدال ۇتىپ السا،  جانبوتا الدابەرگەنوۆا قولا مەدالگە قول جەتكىزىپ، ەل قۇراماسىن كوماندالىق ەسەپتە ءتورتىنشى ورىنعا شىعاردى. ال، 31 قاڭتار كۇنى، ج.الدابەرگەنوۆا مەن باعلان ىڭكاربەك كوماندالىق سايىستا التىن مەدالعا  قول جەتكىزدى.

اكىم جانە جۇلدەگەرلەر

جەرلەستەرىمىزدىڭ ۋنيۆەرسيادا تورىندە جاساعان ۇلكەن ەرلىكتەرى ءۇشىن ءى ورىن العان سپورتشىلارىمىزعا ءۇش ميلليون تەڭگە، ءىى جانە ءىىى ورىن العان سپورتشىلارىمىزعا ەكى ميلليون تەڭگە، ال جاتتىقتىرۋشى مۇرات ابلياتيفوۆقا 2 ميلليون تەڭگە كولەمىندە قارجىلاي سىيلىق بەرىلدى.

ءوز كەزەگىندە سپورتشىلارىمىز الداعى وليمپيادا ويىندارىندا دا جوعارى كورسەتكىشكە قول جەتكىزىپ، ەلىمىزدىڭ كوك بايراعىن جەلبىرەتەتىندەرىنە سەنىم ءبىلدىردى. سونىمەن قاتار، سپورتتىق دودادا قولداۋ كورسەتىپ، شىنايى جانكۇيەر بولا بىلگەن بارشا قازاقستاندىقتار مەن وڭتۇستىك جۇرتىنا  شىنايى العىستارىن جەتكىزدى.

 «The Qazaq Times»